[جانو]

ونفضل نعد فى جروحنا .. ومن تانى نكدب على روحنا
ونضحك والحزن مالينا .. ونقول بكره احسن ويجى علينا


وساقيه بتلف وتدور .. تاخدنا وترمينا ف بحور
وبحور ملهاش امان .. تخلينا ننسا العنوان


عنوانا اللى بدأنا بيه .. وننسا كنا عايزين أيه
ونغرق ونقب من تانى .. ونعمل من أحلامنا مبانى


ونمشى واحنا واثقين .. اننا هانعوض السنين
والسنين تنادى علينا .. تجرى وبسرعتها تجرينا


ونقف ناخد نفسنا .. ونلاقينا قدام انفسنا
مرايه ووجهنا فيها .. نستنا ونتفرج عليها


نستغرب ونسأل مين .. ده اللى كان من سنين
ونبص تبصلك العنين .. تحكيلك وصلت لفين


وتمر بيك اللحظات .. دموعك ترد بسكات
وشريط شغال بذكريات .. ياترى اللى جاى زى اللى فات


وعقلك يقولك أرحمنى .. وقلبك يأكد انت مدمرنى
وتفضل ترد على الاتنين .. العقل والقلب وكمان العين


تفضل ترد بأجابات .. والكلمه طالعه ومعاها الأهات
تجيلك حاله وتحس بحاجات .. احساس مليان انفعالات
بجد نو كومينت
مش لاقية كلام يساوى كلامك
ربنا يباركك ويبارك حياتك وخدمتك
ودائما فى تقدم مستمر لاسم المسيح
اذكرونى فى صلواتكم