معقولة دموعك دى عشانى
معقولة صوتك ده هو اللى ندانى
لكن قلبى الحجر قسانى
ولا عمرى سمعت نداك ولا دمعك بكانى
بس انا عمرى ماهنت عليك
ترجع تغفر وتمد ايديك
وانا بنسى وبقسى وبغلط من تانى
جريت على عالم شهواته شدانى
ضحك عليا رئيسه و اغوانى
مشيت وراه وفى الآخر رمانى
حسيت بجرحى و ألمى بكانى
فى نص الطريق وقفت عاجز فى مكانى
مش عايز اكمل و مكسوف ارجع للى فدانى
و فى وسط الضلمة بنفسة جانى
محى خوفى و من جرحى شفانى
قالى انت ابنى تستاهل حبى و حنانى
مهما قسيت ده قلبك هو مكانى
بأيده شالنى و عالصعب عدانى
ووعدته هعيشله كل زمانى
اصل انا عمرى ماهنت عليه
يرجع يغفر و يمد ايديه
و انا عمرى ماهنسى جميله ولا هغلط تانى
من تاليفى:
Antigone