ـــــــــــ عاجزـــــــــــ
عاجز ايوه عاجز
لما أشوف صليبك قدامى .. وأفضل واقف كده فى مكانى
أفضل فى ضعفى وعدم ايمانى .. مقدرش أقوم وأحس أنى عاجز
عاجز أيوه عاجز
لما أشوف الأيد ممدودالى .. لما أشوف الدموع محتجالى
وأفضل قاسى وناسى خلاصى .. مقدرش أقربلك وأحس أنى عاجز
عاجز أيوه عاجز
لما أشوف جمبك مطعون .. وأزيد فى طعنك زى المجنون
وأفضل عنيد وبقلب شديد .. أعيش بعيد وأحس انى عاجز
عاجز أيوه عاجز
لما أشوف دمك بيجرى .. لما أشوف الطبيعه بتبكى
وأفضل انا بدموع قويه .. مش قادر أبكى على فادى البشريه
عاجز أيوه عاجز
لما تدينى قوه قيامتك .. لما تبنيلى مكانى عندك
وافضل انا خاطى بأديا .. قدامى مجدك ومش شايفه عينيا
عاجز أيوه عاجز
لما اقولك انت ليه بعيد .. لما أطالبك فين المواعيد
رحمتك تكتر اقول المزيد .. وتيجى تنادينى تلاقينى عاجز