[سيف الاسلام]

الاخت جوسيكا تحياتي ليكي
اولا كلامك بيعكس اد ايه انتي موجوعة .. وحاسة بألم شديد

بغض النظر عن المشكلة هيا ايه .. او ايه اللي حصلك ...

مش صح انك تكوني في الحالة دي ابدا .. وتحت اي ظرف لازم تكوني قوية وتقدري تتخطي اللي انتي فيه ..

هتقولي حاولت ومقدرتش ..
هقولك مش عيب ومش غلط انك مقدرتيش .. الغلط فعلا هو انك مش تحاولي اصلا وتستسلمي للي انتي فيه ده
حاولي مرة تانيه .. بس المرادي .. خلي عندك ايمان بربنا انه واقف جنبك وهيساعدك
ودوسي علي نفسك حبه صغيرين وهتعدي الفترة الصعبه دي من حياتك

انا معرفش اذا كنتي سنجل ولا متجوزة ولا حالتك عامله ازاي
بس مهما كان .. ابعدي عن الشك ..
الشك لو اتوجد في علاقه بيدمرها تماما .. ولو اتوجد بين افراد الاسرة نفسها .. هيبعدهم عن بعض اوي .. وكأنهم اعداء

ابعدي عن الشك.. شيليه من دماغك ..

متسمعيش كلام اللي يقولك سيبك من الطيبه ... لا طبعا غلط
خليكي طيبه ومتسامحة .. لان ده مش عيب
العيب بجد في اللي مش بيقدر ولا بيفهم ده .. وعايزك تكوني مش كويسة .. وقلبك اسود
خليكي طيبة وعيشي زي ما انتي .. واللي مش عاجبه ..
ياخد جنب

متفكريش كتير في اللي بيضايقك .. لانه هيفضل يضايقك
بس فكري ليه هو بيضايقك وحاولي تعالجي الموضوع ... وصدقيني هتلاقي الحل سهل جدا وفي ايدك

هدوئك مش عيب .. بالعكس .. دي اكبر ميزة .. بس متخليش هدوئك يتحول لضعف ورضا بالوضع اللي مش بيعجبك

حبي نفسك يا جوسيكا لانها تستاهل انها تتحب .. وحافظي عليها .. لانها كويسة اوي

انتي حد جميل .. بلاش تخلي الظروف تعمل منك انسانه معقده
خدي الامور ببساطة ... وخلي دايما عندك امل ان بكرة احسن

اول حاجه واهم حاجه .. الصلاة والتقرب من ربنا
صلي وكلميه وابكي لربنا .. هيساعدك


انا بجد اسف اني طولت عليكي

بس انا فعلا عايز اساعدك ..
واتمني من ربنا انك تكوني في احسن حال