في البدايه انا بقدم اسفي لكل اعضاء المنتدي لاني بقالي فتره مدخلتش بس صدقوني غصب عني لاني من شهرين سافرت امريكا اشتغل والبدايه طبعا صعبه ومكنتش عارف اتواصل معاكم
دي اخر حاحه كتبتها اتمني اشوف رايكم
ايه الميزه اللي جواكي.......
تخليني ادوب فيكي
واخد فيزا لهلاكي......
واعبر بيها اراضيكي
لا انا موافق علي طبعك
ولا خاتم...انا في صابعك
..............
ولا قلبك هفكر فيه
...............
تعالي في وشي واجهيني
وهاتي عنيكي علي عيني
وبسآل يلا جاوبيني
........................
احبك ليه؟؟؟؟؟؟؟؟؟؟؟؟؟؟؟؟؟
.......................
ليه تبقي حياتي وكياني...
وانا شايف
انك قاسيه خداعه
ليه اخلي عنيكي عنواني...
وانا عارف
ان عنيكي بياعه
ليه اقبل تبقي مرسايا
وبحرك كله موج عالي
ليه يدبل عمري جوايا
واحسر نفسي علي حالي
ليه اقبل...تحرقي ضلي...بنار بردك
ليه اقبل ...تزرعي زلي....علي ارضك
ليه اقبل تقطفي زهري
ليه اقبل تقطمي ضهري
ليه يغرق شط من نهري
وابكي عليه
تعالي في وشي واجهيني
وهاتي عنيكي علي عيني
وبسال يلا جاوبيني
احبك ليه؟؟؟؟؟؟؟؟؟؟؟؟؟
ايه الميزه اللي جواكي.......
تخليني ادوب فيكي
واخد فيزا لهلاكي......
واعبر بيها اراضيكي