[اتش]

في البداية احب اشكر كل اخوتي الاعزاء علي ردودهم الجميلة .واحب اعلق علي رد الاخت سوسنة شوفي اختي الكريمة انا اولا وبصراحة في حياتي ما فكرت احب بنت ولا اعجبت ببنت لان ببساطة مفيش بنت قدرت تلفت نظري وده لاسباب انا ذكرتها واسباب احب احتفظ بيها لنفسي وبعدين انا مقولتش اني حزين علي خطيتهم عشان تقولي احزن انت الاول ؟؟ انا قولت حزين عليهم والبهدلة والعار اللي بيلحق بيهم لكن انا خاطي جدا جدا ومحتاج للمغفرة ومن ناحية الكبرياء والرياء انا مصمم عليها لانها حقيقة فعلا وبعدين انا مش منطوي او معقد او خجول زي ما قال احد الاخوة الافاضل هنا بالعكس انا بشتغل بأفخم فندق بالكويت خمس نجوم ومختلط بكل الاجناس والشخصيات يعني مش منطوي واقولها وبكل صراحة لم اجد كبرياء كما في الاخت المسيحية و صدقوني ده مش هجوم بس وجهة نظر حتى في الكنيسة صدقيني لما احب اسلم علي اخت او مثلا اخت تكون واقفة في طرقة من في الكنيسة واقولها بعد اذنك في ثانية وشها يتقلب ؟ علي ايه ؟؟؟ ولو علي المواقف يا سوسنة صدقيني فيه الكتير بس مفيش داعي اقولها وبعدين موضوع ترك المسيح لو معندكيش فكرة اقولك ان اعرف ناس في عيلتها ناس كهنة وناس واصلة جدا ورغم كدة بتسيب المسيح ياريت ما نرميش الخطأ كله علي الاهل والاهل مش بيروحوا معانا الكلية ولا الرحلات ولا المؤتمرات ولا بيخرجوا معانا ؟ كلمة اخيرة اقولها ليكي (( انا حزين في قمة حزني علي خطاياي ومش منتظر ان حضرتك تنبهيني عليها )) ربنا يباركك