[sawsaw]

على فكره يا ابن البابا كيرلس
صدقنى مش كل البنات المسيحيات كده
انت اكيد اتعاملت مع نوعيه معينه بجد مش كلهم كده
بالعكس انا اعرف كتير بنات مسيحيات مش كده
ومحترمين جدا انا عن نفسى باحترم جدا الولد المسيحى ومش بقلل من شانو
والبنت الى بتسيب المسيح عشان خاطر واحد ملهموش لازمه تبقى متستحقش تبقى مسيحيه اصلا
وزى ما فى بنات بتسيب المسيح فى بردوا ولاد بتسيب المسيح
عشان خاطر بنات متستاهلش
ودى ضعفات ولكل انسان ضعفاته
وكلنا اولاد ربنا وربنا بيعرف يجبنا
ذى القديسه مريم المصريه السائحه
مين كان فى زمنها يتوقعلها توبه اصلا
او حتى توصل لدرجه السياحه التى هى اعلى مرتبه فى الرهبنه
اما من ناحيه اللبس متحزنش كتير لان فى بنات بيبقوا لابسين حشم جدا وجواهم زى الزفت
الانسان مش بلبسوا
هو ايوه اللبس وقار واحترام بس على حسب
ما اهلها عودوها وهى صغيره
اما من ناحيه المكياج
فده مجرد اخفاء بعض العيوب فى الوجه
وده قال عليه البابا شنوده مش حرام
بس يكون فى حدود المعقول
وبلاش تبص فى الانسان على الجانب السىء
لما تدخل الكنيسه بص على البنات المحترمات والى لابسين كويس
مش لازم عنيك تيجى على الوحش وتثبت
وكل انسان خطيته على راسو
معلش انت احزن على خطيتك اولا
لما هم مش زعلانين على خطيتهم
انت هتحزنلهم
بس ممكن اسال حضرتك سؤال
ما معنى التكبر والعنطزه بالنسبالك مع زكر موقف حدث بالفعل عشان نفهم قصدك ممكن يكون فى حاجه انت فاهمها غلط؟؟؟؟؟
ونعمه المسيح تكون معاك ويملا قلبك بنعمته ومحبته
وربنا يبارككو يفرح قلبك