واحد صعيدي كان مسافر فلما وصل المطار لقاهم مركبين جهاز جديد عبارة عن مرايا لما تقف قدامها تعرف عنك كل حاجة, فالصعيدي انبسط و راح وقف قدام المرايا
المرايا قالت: أنت هريدي من الصعيد و عندك طيارة كمان نص ساعة
الصعيدي اتبسط و راح لبس خواجه و راح تاني وقف قدام المرايا,
المرايا قالت: انت هريدي من الصعيد و عندك طيارة كمان ربع ساعة
الصعيدي راح لبس خليجي و راح تاني وقف قدام المرايا
المرايا قالتله, ايوة انت هريدي من الصعيد خليك قاعد تستهبل كده لحد ما الطيارة تروح عليك
---------------------------------------------------
ابو العربى قابل مذيعة قالت له انا سمعت كتير عن بطولاتك فى الحرب...
قالها طبعا ابو العربى يسد فى كل مكان فى 48 واليمن و56 و67 و73 والعراق...
قالت المذيعه طب هأسألك كام سؤال...
- لو انت فى الحرب وطلع عليك دبابتين ومعاك قنبلتين هتعمل ايه؟
-قالها: هادخل عليهم وأفجرهم
-طيب لو خمسه؟؟؟؟؟؟
قالها: هادخل عليهم بالسلاح الأبيض
-طيب لو اربع دبابات... و عشر عساكر... وطيارتين؟
قالها جرى ايه هو مفيش حد بيحارب غيرى وللا إيه؟؟؟
--------------------------------------------------
مرة واحد قال لصاحبه "عاوز أعمل مفاجأة لمراتي فى عيد جوازنا"
صاحبه : "هتعمل لها إيه؟"
"حوديها الصين"
"يا راجل فى عيد جوازكوا العاشر توديها الصين، أومال فى عيد جوازكوا الخمسين هتعمل ايه؟!!!!!!"
"حروح اخدها ! "
---------------------------------------------------
واحدة بتقول لجوزها اطرد السواق كان حيموتني مرتين في حادثة قال لها
خلينا نديه فرصة ثالثة
---------------------------------------------------
مريض بيحلم كل يوم بكتاكيت بتلعب ماتشات راح للدكتور وحكي للدكتور الحكاية وانه بيحلم بكتاكيت بتلعب ماتشات الدكتور قاله بس هاقللك خد القرصين دوله وانت هتنام مش هتحلم باى حاجهرد المريض قله لا طبعا دة النهارده النهائى
------------------------------------------------------
واحد غبي قاعد يالعب شطرنج مع حمار ، راحوا الناس قالوله : أنت مش مكسوف ....قاعد تلعب مع حمار
رد عليهم: دة اللي مش عاجبكم .... فاز على مرتين