وتأكدت انى حمار
كنا زمان اتنين اكتر من اصحاب
كان اللى يشوفنا يقول دوول احباب
ماكنش حد فينا بيخبى على التانى
لو فية مشكلة عندى كان هو اللى يعانى
كان علامة فى حياتى وهدية من زمانى
كان الاخ والصديق وكتير يا ما حمانى
كتير خد منى واكتر هو كمان ادانى
وفجاة كل دة مات وهو كمان اتغير
وبقت كل امورة معايا مبهمة وتحير
وحاسس انة بينتقم منى وبكدة صغير
ودى رسالتى لية وعاوز اقولة فيها
كل ما اقرب منك تبعد
كل ما اطلب خدمة تهرب
عارف انت مش زى زمان
ولا فى قربك مستنى امان
وكل ما تبعد انا هابعد كمان
بس دة هايكون غصب عنى
انى ابعد عن نفسى اللى حتة منى
اسباب البعد يمكن اكون عارفها
دى ظروف وعدت لية انت شايلها
لو انت مش عايزنى انا كمان مش عايزك
دايما مع غيرى همة ونشاط وبلا مقابل
وحججك مالهاش اساس وكتير بكون قابل
وانت اللى عايز النهاية تكون كدة
ولما نتقابل صدفة نسلم ونعيش على حدة
لا بقت امورى وحياتى تهمك زى الاول
يظهر انى انا صاحبت فى الاساس عيل
روح لحال سبيلك وسبنى فى حالى
مش هازعل منك لو قلتلى انا مالى
اعمل اية فى نفسى دايما بتيجى على بالى
سلام يا اعز صديق واخ عليا غالى
وتأكدت انى حمار
ميلاد صدقى 15/7/2009