أخر أخبار ظهور العذراء مريم أم النور بتاريخ 19-12-2009
كُتب : [ 12-20-2009
- 05:37 PM
]
بعد مساء الجمال عليكم كلكم وكل سنة وأنتم طيبين بمناسبة ظهور أمي وام الجميع العذراء
الحمد لله إن ربنا إداني العزيمة عشان اروح كنيسة العدرا بالوراق إمبارح السبت الموافق 19.12.2009
لكن للأسف العدرا مش ظهرت
وكان أخر ظهور ليها يوم التلات
وظهورات العدرا واجهت الكتير من الهجمات والإعتراضات والتشكيك في صحته
فإلي حصل إمبارح لا يقبل أي تشكيك
مينفعش نقولو أو مجرد التفكير إن ده مومكن يكون متفبرك ولا عاملينه بجهاز ليزر كما يزعم أصحاب النفوس الضعيفة والمشككة في إيماننا بوجود أمنا وسطينا وتعزيتها لينا
أنا كنت موجود في الكنيسة من الساعة 7 ونصف بلليل عشان الحق مكان في الكنيسة تكون معظم الأحداث واضحة ليا من خلاله
وإبتدينا في الترانيم ومدايح العدرا كتير للساعة واحدة ونوص لغاية ما ربنا إتمجد وسمح بظهور حمامة وبعض الناس بتقول إن كان فيه بخور بعد ما الحمامة ما بتظهر
الحمامة شديدة البياض حجمها أكبر من الحجم الطبيعي يظهر فجأة من حيث لا تدري ويختفي زي ما ظهر
الحمامة بتلف علي شعب المسيح إلي موجود في الكنيسة وبرة الكنيسة
بعد كدة إبتدي يظهر نجم أبيض لامع يطوف في السما فوق الكنيسة
كان بيظهر ويختفي مرتين
وكان فيه نجم أبيض كبير فوق صليب القبة الوسطانية للكنيسة
وبعد كدة ظهر حمامتين بنفس مواصفات الأولي ولفوا علي الشعب كله إلي كان موجود
أنا بصراحة كنت عشمان في ظهور العدر لكن ظهورات النجوم والحمام والبخور دليل قاطع لضعاف النفوس والمشككين إن ده من إيد ربنا لينا لكن مش من صنع يد بشر
وطوباكي يا أم النور
ونا كل يوم حكون متواجد في الكنيسة وحنقل ليكم الخبر مباشرة تاني يوم
وصلولي ربنا يقويني في التوفيق مع الشغل
التعديل الأخير تم بواسطة menovich ; 12-21-2009 الساعة 02:02 PM
|