رد: انا غاوزة حل للحكاية دى
كُتب : [ 01-26-2011
- 06:27 PM
]
كلام استاذ ايمن يا ميلانية صدقينى يا حبيبتى
صح مليون فى المية صح وارجوكى تفكرى فية شوية انتى وصحبتك
بصى انتى بتقولى
كلام اختى ايمى حبيته لكن غيرت كلامها لما عرفت سنها
طبعا وبكل تاكيد لازم اغير كلامى بعد معرفتى سنها
اسمعى يا ميلانية هقولك حاجة اخيرة معلش وصدقينى
انا خدمت كل المراحل تقريبا كلها ما عدى السن التمهيدى 3 سنين بعد كدة كل مرحلة اتعاملت معاها
صدقينى وبكل امانة وصدق 99 فى المية من المشاكل اللى كانت بتقابلنى فى المخدومين ومتاعبهم كان سببها عدم معرفة الاهل التعامل مع اولادهم وكان سبب دة برضوا زواج الام صغيرة وفى سن غير مناسب
الام بنفسها كانت بتقولهالى صريحة انا مش عارفة اتعامل مع ولادى صح ومش عارفة اربيهم صح لانى اتظلمت وماخدتش خبرة كفاية من الحياة سواء هى اللى ظلمت نفسها بقى او اهلها ظلموها
النتيجة واحدة
حبيبتى الجواز والارتباط والحب والمسئولية هيجى هيجى بس لكل شئ تحت السماء وقت
قولى لصحبتك بلاش اندفاع وراء مشاعرها وقلبها علشان متندمشى هتندم كتير صدقينى انا بشوف الندم والحسرة والدموع يعلم اللة فى عيون امهات كتير اوى ظلموا نفسهم بالتسرع دة والاندفاع وراء مشاعرهم
استخدمى عقلك مع قلبك هتلاقيى ان كلام استاذ ايمن صح صح صح
|