[عماد حسنى]

المشاركة الأصلية كتبت بواسطة وردة حزينة وحين أوشكت على الموت صرخت ومع صرختى قد عرفت اننى فقدتك وهذا هو الموت .. نعم سقطت جباااااااااااااااار بجد ياعماد ايه ده بس ده كله بس ممكن الشرح بقى ياعماد اصلى ميش فهماه لو سمحت معلش استحمل الغباء تعيش وتكتب ياعماد

لا طبعا لا غباء ولا حاجه لا سمح الله
انا اللى كاتب كلمات معقده
وهاحاول اشرح الموضوع
وشكرا طبعا على نورك وحضورك الجميل فى الموضوع يا وفاء

بصى يا ستى الشاعر بدء كلامه ولا بلاش شاعر دى هو لا طلع شاعر ولا حاجه خلينا فى الانسان اللى كتب الموضوع
الاستاذ هنا بدء كلامه بليلتهُ يقصد ليله سوده بعيد عنك وعن الكل
والليله دى مرت بسلسله مشاعر مرتبطه ببعضها يعنى احساس يجى وسلم احساس تانى لحد ما وصل لمرحله الموت (الموت المعنوى او العادى مش فارقه كتير) بس وصل فى الاخر للموت بفقدان حبيبته
واول حاجه من مشارعره دى هى :
(1)
خفقان القلب وخفقان القلب هو حدوث عدم انتظام فى ضربات القلب وزياده فى النبضات

(2)
ومن خفقان القلب للزياده والشعور بالاحتقان ويقصد بالاحتقان هنا بحريق فى القلب وعند اللحظه دى بينتقل للحظه تذكرها

(3)

وبيقولها بعد احساسه بحريق قلبه انه تذكرها وفى نفس اللحظه بيأكد انه مش نسيها بتعبيرهُ بكلمه ( نسيت النسيان) عايز يقول تذكرتك وفى نفس الوقت منستكيش علشان يبقى الاحساس مضاعف ولما تذكرها اكيد مشاعره بتنقله لحاجه تانيه وهى

(4)

الاشتياق ومع الاشتياق بيكون الدمع بدوره لازم يتوجد فى اللحظه دى .. والدموع بتيجى باحساس اكبر وهو

(5)

الخوف فيبقى الواضح كده ان بداء ليلتهُ بقلق وخفقان فى القلب وعدم نسيان واشتياق لحبيبته ودموع وسلسله من المشاعر المتولده ورا بعضها لحد ما واصل للخوف وبمجرد ما وصل للخوف حس انه خلاص ضعف
(6)

خلاص حس ان الضعف سكن الوجدان ومع احساس ان الضعف ملاه وبقى فى وجدانه استنتج ان بعد كل المشاعر دى واخرها الضعف ان مفيش غير الموت

(7)

وطبعا بالموت او فى وقت احساسه بالموت ومع صرخاته قال كلمه واحده بس .. قال سبب كل اللى حصله قال .. سبب احساسه بالموت وهو ان فقد حبيبته

يعنى الموت = الفقدان

يارب اكون عرفت اشرح او يكون وصلك الشرح كويس ولو وصلك يبقى نشكر ربنا مش وصلك
يبقى نشوف حد يشرحلنا احنا الاتنين
انا عارف انك بتحبى الاشعار جدا ولولا كده ماكنتيش اصريتى على الشرح
انا عارف ان الموضوع معقد شويه ومش عارف اصلا اتكتب ازاى
بس ولا يهمك هى مره وجت كده عديها بقى
ويخربيت اللى يزعلك يا وفاء تانى