+ قبل ما عملنا ثورة على النظام والفساد، كان فى ثورة فكرية فى عقل كل واحد فينا (وأولهم انا)، الثورة ديه هى عبارة عن تنفيذ عكس ما يقوله آيات الكتاب .. طبعاً مش كل الآيات بس ده نموذج لما يحدث .. ياريت كل واحد يشوف هو عمل ثورة مضادة على إنهى آية بالظبط ويحاول يوقفها ويدي فرصة للقوات المسلحة السمائية انها تبدأ بالاصلاح فى قلبه!
+ ملحوظة، الصورة التالية اذا ماقدرتش تقرأها لصغر حجمها، اضغط على الشريط فى أعلى الصورة نفسها لرؤيتها بالحجم الاصلي بتاعها.
+ أنتهى كلامى بس ياريت نخلينا فاكرين، اننا أغلبنا بنكسر الكام آيه دول، ولو مسكنا كل الوصايا بقى بطول الكتاب كله، هانلاقى اننا بنكسر أضعاف اضعافهم، يبقى لما نلاقى اننا واقعين فى بلاوى ومشاكل واضطهاد وقتل وسلب حقوق مانقعدش نعيط ونقول كده يارب بتعمل كده فى ولادك؟!! هى ديه أخرة مرواحى للكنيسة وأخرة صلاتى؟؟!! مكتوب ملعون كل من لا يثبت فى وصايا الناموس، يعنى مانستغربش ابداً من اللى بيحصل فينا ده لأننا اذا كمان ماتعدلناش ومشينا زى ما الكتاب بيقول هانشوف ايام أسود من ديه .. فرصة أننا فى صيام وكمان القداسات متأخرة كلها، يبقى نتوب واحنا قاعدين دلوقتى، ونعترف فى أقرب وقت عشان نتناول ونبدأ صفحة جديدة مع ربنا، وكفاية استهوان بطول آناته، كفاية