[عماد حسنى]

المشاركة الأصلية كتبت بواسطة ميلاد صدقى ياريتنى مكانك عارف انا قاعد فين .. قاعد دلوقتى فى مكانا القديم قاعد ودموعى بتناديك .. قاعد وناسى بدور عليك قاعد فى نفس المكان .. اللى ياما جمعنا زمان بس المره دى قاعد لوحدى .. قاعد وكان نفسى أحكى ياما رسمنا هانعمل أيه .. ماكناش نعرف اللى بكره مخبيه كان حلمك كبير وبتحب الدنيا .. جه الموت أخدك فى ثانيه قاعد بتقطع بقلبى عليك .. عمال أقول ياريتنى ياريت ياريتنى أنا اللى كنت بدالك .. فى ناس كتير أوى محتجالك وانا اولهم ببكى دلوقتى .. من غيرك تايه عايش لوحدى نفسى أحكيلك اللى تاعبنى .. ماكنش غيرك بيتحملنى مشيت وسبتنى لهمى وبكايا .. اول مره تخلف معايا اول مره استناك ومتجيش .. كان نفسى انا ..وانت اللى تعيش كنت انسان طيب وجميل .. عايش لغيرك من غير تمثيل قلبك ابيض مليان بالخير .. ياما اديت من غير تفكير كنت بتحب من قلبك بجد .. كنت بتقدم بدون اى حد حتى مشوار موتك عشانى .. حبيت تريحنى مارجعتش تانى جت الدنيا غدرت بيك .. خطفت شبابك وطفت عينيك هافضل عمرى وحياتى ابكيك .. دى دموع عمرى شويه عليك اللة يرحمك يا ماهر يا اغلى صديق لصديقى واسف يا عمدة انى اقتبست كل السطور فى ردى اصلى الكلام والاحساس اللى انت كاتبة فعلا تدمع لة العين وانا بشكرك على انك لسة فاكرة وبتحيى ذكراة حتى اليوم فعلا هى دة الصداقة والحب اللى عايش جواك ..... والف سلامة عليك وانة ماكنش بايديك تعيش وتفتكرة وانا كمان بعزيك فية الرب يسوع يعزينا جميعا ويباركك ويرعاك دايما

شكرا جدا جدا يا ميلاد ربنا يرحمه ويرحم كل اولاده المنتقلين
انت كنت تعرفه كويس وعارف انالكلام ده قليل عليه جدا جدا جدا
الف الف شكر لحضورك ومحبتك دى
ربنا يخليك ويكون معاك