رد: ارجو الرد والمساعدة من فضلكم
كُتب : [ 09-27-2011
- 03:52 PM
]
حبيبتى مسألة انك اخطأتى فى ارشادك لصحبتك بالرقص او لأ
فدة كان بحسن نية وانك عاوزة تسعدى وتساعدى صحبتك
يعنى ملوش لزوم احساس الذنب اللى انتى حاسة بية دة ربنا مش واقفلنا على الواحدة - ثم اعترافك وموقفك يدل على نقاءك وحسن نيتك
خلاص محصلش حاجة - الرقص فى حد ذاتة مش خطية ولا حاجة
بصى بالنسبة لموضوع الرقص انا هقولك رايئ بس دة رايئ شخصى بصراحة !!!
اى حاجة تحصل بين الزوج والزوجة داخل الجداران مش غلط حتى لو كان رقص
المشكلة مش فى الرقص المشكلة فى الطريقة والدافع والنية اللى بيها تم الرقص
داود النبى من فرحتة رقص امام تابوت العهد
فى رقص بيكون مرفوض فعلا بيكون بطريقة فيها خلاعة واستفزاز فيها اثارة للشهوة فيها احساس مرفوض - انتى فاهمانى ؟؟
وفى رقص بيكون هادى بين الطرفين الزوج والزوجة مع بعض مع موسيقى هادية جميلة مقصود منها الرومانسية والتلامس والاحساس بألفة كل منهم تجاة الاخر ودة مش عيب دة احساس طبيعى وشرعى
المرأة ملك للرجل والرجل ملك للمرأة فى المسيح
اما بالنسبة للزوج الغير مقبل على اقامة العلاقة الزوجية الا قليلا فدة انا كنت حاسة بية من بداية كلامك ودة اللى خلانى قلتلك فى المشاركة الاولى يبدو ان فى مشكلة نفسية او نوع من انواع الكبيت عند الزوج - والنقطة دى تحتاج لكلام تانى خالص - لان دة موضوع تانى خالص محتاج متخصص فى المشاكل النفسية بصراحة
شكرا ليكى انتى على محبتك لصحبتك ومحاولتك مساعدتها
|