[emmmy]

عزيزتى صاحبة السؤال
انا مش فاهمة يعنى اية بيحبها ولكن باحترام شديد !! ؟؟
هو فى حب باحترام !! وحب بعدم احترام ؟؟
انت بس معرفتيش تعبرى عن الموقف والمعنى المقصود كويس معلش
طيب لو فرضنا ان زوج صاحبتك محترم اوى لدرجة التزمت والتحفظ
ازاى صحبتك جت تانى يوم مبسوطة وسعيدة باقتراحك بفكرة الرقص
الزوج المحترم قبل دة ازاى وكان سعيد بدليل رد فعل الزوجة اللى هى صحبتك
واللى بعد كدة برغم سعادتها احسيت بالذنب وقالتلك مش هعمل كدة تانى انا حسيت ان ربنا زعل منى !!! اعتقد كدة الاحداث ناقصة والقصة مش واضحة
ربما يكون الزوج بطبيعتة انسان عملى جدا وهى رومانسية جدا وعلشان كدة هى حاسة انة جامد على حد تعبيرك
وانا معاكى ان الزوجة بتكون محتاجة للدلع والحنان والرومنسية من زوجها طبعا دى مشاعر طبيعية وحقها وحقة هو كمان
وصدقينى مفيش راجل مش محتاج دة مش محتاج الدلع والرقة والحنان والرومنسية والاهتمام بية من زوجتة حتى لو ادى احساس عكسى متصدقيش
بس كتير مش بيعرف يعبر عن دة او يوصلة او بيعتبرة ضد رجولتة وبيحس ان دة دور المرأة بالاكثر هى اللى تبدأ
وممكن جدا يكون فى نوع من انواع الكبت او مشكلة نفسية
ولو هو قبل الرقص فعلا واعتبرة مصدر السعادة بينهم يبقى الموضوع مش موضوع احترام بقى خالص -- اد ما هو مشكلة تخص نفسيتة وروحياتة كمان بالاكثر
حبيبتى : السعادة مصدرها حضور المسيح بينهم وفى حياتهم مصدرها التفاهم والتعاون والشركة واحترام حقوق كل منهم للاخر واحترام مشاعر كل منهم وحتى فى عز علاقتهم الزوجية بردوا المسيح بيكون هو الهدف
لان زواجهم هو فى الاصل شركة مع اللة فى عملية الاثمار والاكثار