بيت الاسرار عبارة عن شرح مبسط للاطفال عن بعد اسرار الكنيسة ممكن تساعدكم فالخدمة وياريت تعجبكم
حبايبى الحلوين عارفين انا مين ؟
انا مدورة ومصنوعة من الدقيق والميه وبس وبيخبزونى فى الكنيسة فى حجرة اسمها بيت لحم ومنقوش عليا 12 صليب صغير وفى وسطهم صليب كبير ومتخرمة ب 5 ثقوب مكتوب عليا قدوس الله قدوس القوى قدوس الحى الذى لايموت لو عايزين تشوفونى هتلاقونى كل يوم الصبح فى القداس فى الكنيسة وبعد صلاة ابونا باتحول لجسد ربنا طبعا عرفتوا انا مين ؟؟ ( انا القربانة) وممكن نستعمل للاطفال مسك قربانة بالكرتون ويحكى للاطفال
استنوا شوية انا لسه ماخلصتش كلامى لازم يكون معايا فى القداس كل يوم الاباركة ( وهى عصير العنب ) وبعد صلاة ابونا بيتحول لدم ربنا ةالاباركة بتتحط فى الكاس ثلثين اباركة وثلث ميه وده كاس مخصوص بنصلى بيه فى الكنيسة
وانا القربانة فأبونا بيحطنى فى صينية مخصوصة للصلاة فى الكنيسة
ودلوقتى لازم نمشى ونشوفكم فى القداس الصبح
اما احنا بقى فعيلة كبيرة بنحضر مع بعض القداس وكل واحد فينا هيعرفكم بنفسه
الصينية : بيتحط فى احسن قربانة جمل وبيتصلى عليها القداس علشان تبقى جسد المسيح
القبة : شغلتى احافظ على الحمل لان مكانى فوق الصينية
الكاس: ابونا بيحط فى الاباركة وهى عصير العنب ولى مكان مخصص على المذبح واسمه كرسى الكأس وده مصنوع من الخشب
المستير : انا شكلى معلقة بس اسمى مستير ابونا بيناول بى الدم
درج البخور: ابونا بياخد منى حبات البخور ويحطها فى الشورية بمعلقة مخصوص وطبعا البخور بتاعى ريحته جميلة جدا
يارب يعجبكوا