[عماد حسنى]

كفاية اللي جرالي من الحب الاولاني

مش عايز احب خلاص

ده مفيش حب ولا اخلاص

انسى الحب يا قلبي انساه عشاني

فكر مرة في نفسك وشوف جرالك ايه

حبيبك اللي حبيته ممكن تقوللي خانك ليه

كنت مخلص لأبعد حدود

ومكنش الاخلاص عنده موجود

لا يا قلبي ارجوك ما تندمش عليه

ياما عشت حزين في الحب محدش كان بيحس

ياما قلت لحبيبي اني انا بحبه هو وبس

بس اللي متعود انه يخون

سهل الحب عليه يهون

الخاينين كتير والمجروحين كتير والمخلصين نص نص

بلاش حب تانى بلاش تتعبني معاك

ياما كتير خاينين بيظهروا في هيئة ملاك

تحبهم وتصدق كلامهم

وتآمن ليهم في غرامهم

وانتا مش عارف انك بترمي نفسك في الهلاك

مبقتش واثق في اي حد

لعبت كتير دلوقت لازم اعيشها جد

ضيعت نفسي في وهم كبير

اتجرحت واتظلمت من ناس كتير

اقول مين هما ولا بلاش نحسب ونعد

بلاش حب تاني يا قلبي لحد كده وكفاية

مثلنا فيلم الحب كتير لازم تنزل شارة النهاية

زي ما ابتدينا يا قلبي ادينا انتهينا

هاتلي حد جالنا يواسينا ويسئل علينا

مفيش حد لحد الكل عايش حياته لمصلحة وغاية

يا قلبي ارجوك بلاش حب تاني

وكفاية اللي جرالي من الحب الأولاني

شكرا لا ختيارك وامانتك يا مرمر
شكرا جدا لأحساسك
ماعنديش اى رد على الكلمات لان اللى اختار الكلمات دى
اكيد مش محتاج اى رد غير ان اقول
ربنا يعوضك اضعاف ويفرح قلبك وحياتك
ربنا معاكى
واعلى تقيم لاختيارك المتميز
لان الاختيار مع وجود الامانه مايقلوش شىء
عن احساس الكتابه
الف شكر ليكى