[asmicheal]

المشاركة الأصلية كتبت بواسطة عماد حسنى مين بيتحكم فينا حياتك أيوه .. بس فى ألف قيد نفسك تطير .. بس ريشك حديد تقفل عينيك .. توصـــل للسما تفتحها تلاقى .. الحقايق مؤلمة حقايق بتبقى مــجبر عليــها .. بتقولك حياتك ومش حر فيها وتتوه الحروف ومتلقاش المعانى .. تدور ع الكلام وتسأل من تانى ؟؟ مين بـيـتـحـــكم فـينا .. ظروفنا ولا ماضينا ولا خطاوى مجهولة .. واخدانا ليها رجلينا مين بـيـتـحـــكم فينا .. قدرنا ولا نصيبنا ولا غلـــطات محــسوبة .. ونقول عليها بتصيبنا مين بـيـتـحـكم فينا .. قــــلوبنا ولا دمـــعنا ولا قسوه فى لحظـه منا .. ونفوق بعدها على ضعفنا مين بـيـتـحـــكم فينا .. مشاعر بعيده ولا مقربه ولا أرواح عايشة .. بس مع نفسها متغربة كتير بنقول محدش بيجبرنا .. مـفـيـش قـــوه هاتـقدر تـكـسرنا بــس يـتـقـفـل عـلـيـنـا بـاب .. وتشوف دموعك بأنواع العذاب اقعد من تانى وخليك لوحدك .. أنت صــح ولا فـى شىء معندك هتلاقى نفسك مليان بجد .. بماضى او حاضر بشىء بيهد كــل واحــد فينا عايــش .. مـعـاه حـكـايته فى الحـــــياه بيكون لكل حــــاجه شايف .. لكن بيغمض على حزن جواه بيغمض وهايعمل ايه .. بيغمض ومش بإيديه بيضحك على نفسه بيتفرج .. زى الزمن مابيضحك عليه

عارف سوالك دة لسة كنت بفكر فية
ولما لقيتة شعر
اجتهدت مع نفسى انى اجاوب علية


مين بيتحكم فينا؟؟؟

طبعا بيتحكم فينا حاجات كتير
تمنع انطلاقنا كما نهوى ونحب

عن نفسى
بجتهد اصلى ان المتحكم فى حياتى
يكون ربنا بجد
وتاسرنى جدا
عبارة بالقداس الغريغورى
اقدم لك يا سيدى مشورات حريتى
واكتب اعمالى تبعا لاقوالك
لان كل البشر
غالبا تحكماتهم مؤذية وخانقة
اما اللة فحاجة تانية خالص