لو اعرف ان الحب سفينة
لا ليها بر ولا ليها ميناء
كنت بعدت عنه وادينا
عايشين حياتنا وسط امانينا
لو اعرف انى هضيع وهتوه
ومن كل ظلم الدنيا هدوق
كنت هفضل اعيش معزول
عن كل بشر وجراح وهموم
بس خلاص الجرح انتصر
وكل شىء كرهته ظهر
وحتى الحب فى قلبى انكسر
وماضى حياتى شىء اتبتر
انا ليه مخدش فرصة وليه
حياتى بقت صور بورتريه
كل الى يشوفها تدمع عنيه
ليه الحزن بقى استاذى
بس عليا مدرس قاسى
يشرح ليا شرح وافى
عن ذلى وهوانى وكل مأسى
وطول الوقت عامل ناسى
الى بعونى فى ضيق ورمونى
وفى كل وقت وفرصة داسونى
وحطوا المر فى كاس وسقونى
ما خلاص الكل بيجرح فيا
واديهم اهم اتكتروا عليا
لو دمع الدنيا يشفى غليلى
اوحتى اعرف بس مصيرى
او بس للحظة الفرح يجينى
يمكن احس بشىء باقيلى