رد: كوميديا الأعضاء علي الأنترنت
كُتب : [ 02-24-2008
- 05:21 PM
]
الكلام اللى هقوله مش غريب عليك يا ساد (ميكى) يا صديقى
لما كنا فى إحدى الأماكن
يوم السبت 23 /02 /2008
وجات الست العجوزة
اللى كانت ماسكه فى إيدها رزمة ورق كاتبة فيها أرقام تليفونات
ومعاها جراب محمول شفاف وطلبت مننا نشترك معاها فى الإتصال
وبدأت تضغط على اماكن الأزرار فى الجراب
وبدأت الأتصال وكان ملخصه كالآتى :-
1- العقيد فلان .... إلحقنا فيه بنتين إتخطفوا .... طيب يعنى إنت جاى فى الطريق ....
خلاص ماشى إلـــــغــــــاء .
2- بعد طلب رقم آخر - أيوه اللواء فلان .... أم البنت الأولى حالتها عاملة إيه .... يا حرام
طب دخلت مستشفى إيه ؟ .... والعمليه هتتكلف كام .... يااااا ده مبلغ كبير قوى
خلاص ماشى إلـــــغــــــاء .
3- (بعد طلب الرقم على الجراب) آلو .... العقيد فلان .... إنت إتأخرت ليه ؟ .... طيب أنا هكلملك
المسئول دلوقتى حالاً إلـــــغــــــاء .
4 - (بعد طلب الرقم على الجراب) آلو .... إنتوا قافلين الإشارة ليه ؟ .... طب يالو إفتحوها بسرعة
بسرعة عشان العقيد يمشى .... خلاص إلـــــغــــــاء .
5- (بعد طلب الرقم على الجراب) آلو .... أم البنت التانية عاملة إيه ؟ .... (بصوت مرتفع)
ولا على بالها إقلب الإدرة على فومها تطلع الهبابة لأمها إلـــــغــــــاء .
فى النهاية طبعاً مش قادر أقولكم إن اللى كانو بيردوا عليها فى التليفون هما
(تونى الجامد & الساد) يعنى النقط دى هيا كلامنا إحنا، ومثال على ذلك :-
نقط 1- أيوه معاكى العقيد فلان _ أيوه إحنا عرفنا الحادث وجارى البحث عن المجرم
وكنا بنستخدم وسائل إيضاح كتيرة مثل :-
صوت سيارة إسعاف & وصوت كلاكسات عربيات + بعض الإشارات باليد
وبصراحة أنا تقريباً موعود بالناس دى
لأن الست جات كلمتنى وقالتلى : -
عايزة أعمل مكالمة من تليفونك يابنى هيا دقيقة واحدة بس
روحت مطلعلها اللى فيه النصيب وقولتلها :-
خدى فلوس وإتكلمى من المكان اللى يعجبك
راحت قاعدة جنبى لصق
وبدأت تعمل إتصالاتها من جراب المحمول اللى كان معاها
وكان نفسى نسجل الحوار ده (فيديو) بس الساد الله يسامحو
كان خايف يطلع الكاميرا بتاعته ويسجله .
ودلوقتى لازم أقولكم إلـــــغــــــاء
|