[عماد حسنى]

المشاركة الأصلية كتبت بواسطة menovich حمد لله على السلامة منور المنتدى ومنور القسم الادبى ربنا ما يبعدك عنا مرة تانى شاعرنا العظيم وميرسى ليك استاذ كمال لأفتقادك اعز الناس لينا

متشكر جدا جدا يا مينا على زوقك وكلامك الجميل اوى ده حقيقى متشكر وسامحنى ما اخدتش بالى من مشاركتك امبارح لانى دخلت الموضوع ومعرفتش اخرج منه غير لما ارد على كل الاعضاء اللى بجد ملقتش زيهم فى محبتهم سامحنى على التاخير فى الرد
ومتشكر ليك بجد على محبتك
ربنا معاك ويفرح قلبك

المشاركة الأصلية كتبت بواسطة kiro0oalex حمدلله على السلامه نورت المنتدى مشتاقين لمعرفه اخبارك ومشاهده احدث اشعارك ربنا معاك

شكرا جدا جدا يا كيرلس على حضورك التانى وعلى محبتك الكبيره دى

وانشاء الله اكتب تانى واعرف رأيك اللى اكيد يهمنى جدا الف شكر لمحبتك يا كيرلس

المشاركة الأصلية كتبت بواسطة emmmy مش ممكن اية دة اية دة ؟ يااااااااااااااااااااااة اخيرا يا عماد اخيراااااااا يا شاعر المنتدى اخيرا يا احلى واجمل وارق احساس عرفتة فى حياتى مش ممكن بجد انا مش مصدقة مش عارفة اقول اية مش عارفة اعبر عن فرحتى بيك وبرجوعك مش عارفة اوصف اللى حاسة بية دلوقتى فرحتى مالهاش حدود اكبر من الوصف او اى كلام ممكن يتقال بجد حقيقى اسعدنى وجودك ورجوعك يا ارق احساس يا سلام تعبنا ما رحشى هقدر اهو اشكرك يارب هههههههههه نسخة المفاتيح بتاعتك مش ممكن تضيع ابدا يا عماد لانها محفورة على صفحات المنتدى وصفحات قوبنا كمان لانك صاحب البيت يا مؤسس القسم الادبى وعمود من اعمدة ارثوذكس وصدقنى انا اللى وقفت عاجزة عن الرد على كلماتك الرائعة وردودك الجميلة ومحبتك للكل ومش عارفة اقول اية فرحتى اكبر من التعبير عنها اشكرك يا عم كامل المعجزة تمت على يديك اخيرا واما بالنسبة للاخ الغالى والاخت الحبيبة هنا فانا برضوا مش عارفة اشكرهم ازاى بس محبتهم ورقتهم دى مش جديدة عليهم دى طبعهم وجزء منهم اشكرك يا رافت على محبتك اللى كلنا بنتمتع بيها مش بس عماد صاحبك وصديقك انا كنت حاسة بصداقتكم من زمان ربنا يديم محبتكم دايما يارب انا حاسة طولت بس لسة عندى كلام كتير اوى اوى بس للاسف مش عارفة اعبر عنة حمدا على سلامتك يا عماد نورت بيتك يا راجل عيالك مبطلوش سؤال عنك ولا يوم خليك معاهم بقى على طول اوعى تمشى تانى واوعى تبص علينا كل سنة مرة زى ماقال جورج ملكشى دعوة بجورج هههههههه اشكرك مرة تانية يا عم كامل وتالتة ورابعة وعاشرة ومليون على محبتك يا اروع اب

المشاركة الأصلية كتبت بواسطة emmmy

طيب يا ايمى اقول ايه ولا ارد ازاى دلوقتى بجد بجد محبتك ملهاش حدود انا مش عارف ارد قصاد كلامك ده

مش عارف اقول ايه غير ربنا يحافظ عليكى ويملاكى من نبع حبه ويديكى على اد تعبك الجميل ده مع كل اخواتك .. اشكرك يا ايمى بجد متشكر لمحبتك ونقاء قلبك حقيقى بنت ربنا بكل المعانى
ربنا يحافظ عليكى ودايما منوره كل المنتدى وكل الدنيا باجمل حضور .. وبأجمل كتابات وبأجمل موضوعات وباجمل مشاركات وباجمل محبه
شكرا يا ايمى جدا جدا جدا

المشاركة الأصلية كتبت بواسطة nermos1982 ايوه يا هنا انتى بتنادى شوفتى بقى انتى بتنادى وانا كنت بفتح وداخل القسم الادبى لسه معايا نسخه مفاتيح .. مش مع رافت وايمى بس اداره المنتدى سيبالى نسخه مفاتيح للقسم الادبى من زمان .. بس انتى عارفه بقى .... ولا لما ابقى اشوفك انتى ورافت وبعدين مين اللى يقدر مايعبرش ده دانا اعبرك ولو فى الصين وعلى فكره اداره المنتدى كانت بتنادى صدقينى اول ما انشغلت عن المنتدى هيما اتصل بيا وطبعا هيما اتصل مش كونه اداره المنتدى بس لكنه صديق واخ انا بعزه وبحترمه وبينا صداقه كبيره ومارو برضه الراجل مش مقصر وناس كتير اتصلت بيا وكانت على اتصال حتى اللى ماكنش بيتصل كان ميسدات بس مش هاقول بقى مين كان بيتصل ومين كان ميسدات هى موبينيل السبب ... صدقينى انا اللى انشغلت بزياده انا بشكرك يا فندك على النداء وعلى كل حاجه انتى ورافت وبشكر عم كامل جدا جدا وبشكر ايمى وبشكر كل الناس اللى دخلت وردت وعبرت عن محبتها بصدق عبرت عن محبه ربنا جواها لكل ولاد ربنا الف الف شكر يا هنا ودايما منوره الادبى والمنتدى وكل الدنيا واضح يا عماد ان قلة دخولك للمنتدى نسيتك العربى واحنا طبعا اخوات يا عماد علشان كده ممكن اديك درس قراية وكتابة ومتخفش مش هاحاسبك زى برة هاعملك تخفيض بس ده اول شهر بس لكن لو ملقيتش تقدم وفضلت انت كده هاخلى التمن الضعف انت حر بقى تصدق ياعماد انت عايز كام واحد صعيدى من بتوع المنتدى ييجوا بالنبابيت ويهجموا على بيتك علشان تحرم تغيب كده وساعتها مش هاتتحجج بالشغل لان مش هايبقى فيك نفس تقدر تنزل الشغل مانت عارف الصعايدة بتوعنا. وخلى بالك دى اخر مرة هانسمحلك تغيب كده. المرة دى انا بتكلم بالذوق لكن المرة الجاية انت حر انت عارف الاسكندرانية وشرهم ولا انت نسيت؟ لقد اعذر من انذر والله ولى التوفيق

اهلا الاستاذ نرمين انتى بقى حضرتك بتقولى ايه قولى تانى كده ..
يعنى واحد بيكتب حوالى 20 رد او اكتر ورا بعض وكمان الفجر مش عايزانى اغلط فى كلمه . ده حرف حرف واحد .. انتى ايه قلبك حجر يخربيت كده ..
ولا اقولك بلاش انتى مش قلبك حجر انتى طيبه .. الطيب احسن اصلى انا عارف ومجرب شركم هى دى حاجه تتنسى دى الحاجه الوحيد اللى طلعت بيها من الدنيا
بس برضه متشكر على محبتك لانك انسانه كلك محبه لكل الناس وطبعا العشره هى اللى بتقول كده مش الكلام
ربنا يخليكى يا نرمين ويفرح كل حياتك
واياك اياك تعلقى على حرف تانى فى كلامى لو حرفين ماشى ال تدينى دروس عربى ال اجرى شوفى عيالك بيعطوا عايزين سندوتشات

المشاركة الأصلية كتبت بواسطة miro_rook الله الله بجد منتدي ارثو نور تاني يا عمده ويلا بقي متعنا بكلامك الرقيق اللي بجد بيعزينا وبيقربنا للربنا يلا انا مستني اوي

المشاركة الأصلية كتبت بواسطة miro_rook

شكرا يا مراد جدا جدا جدا لمحبتك الغاليه اوى دى وانشاء الله تشوف كتابات تانى القسم الادبى مليان بمواهب مافيش زيها فى اى مكان تانى

وانشاء الله اول كتاباتى اعرف رأيك لانك من الغاليين على قلبى

المشاركة الأصلية كتبت بواسطة the daughter of the king بنت الملك هنا فى موضوع افتقادى بجد متشكر ليكى اوى اوى

المشاركة الأصلية كتبت بواسطة the daughter of the king انتى على فكره اللى مختفيه مش انا لوحدى بس طبعا مشاركتك اسعدتنى جدا جدا وكلامك طبعا كتير عليا جدا جدا جدا انتى اللى انسانه جميله وكلك محبه وزوق ربنا يخليكى يا بنت الملك ودايما منوره القسم الادبى وكل المنتدى ربنا يحافظ عليكى ويفرح كل ايامك اه طبعا موجوده فى موضوع افتقادك عندك شك ولا حاجه !!!!!!!!!!!! هتخانق على فكره هههههههه امكنتش اسال على اجمل شخصيه واروع شاعر وكاتب فى المنتدى نسال على مين يعنى !!!!!!!!!!!!!!!؟؟؟؟؟؟؟؟؟؟؟؟ وحقيقى حقيقى فرحت كتير برجوعك تانى وحقيقى نورت المنتدى بجد وبعد اذنك يعنى بالزوق اهو متفكرش تعملها تانى بعد كده هنطلب من الادمن يبقى فى جزه وخصومات واحكام على الناس اللى بتغيب وطبعا مش اى ناس الناس اللى ليها وجودها ومكانتها فى المنتدى كده زى حضرتك حقيقى مبسسوطه كتير انك رجعت تانى وانك بخير وطمنتنا عليك وربنا يفرحك دايما

بصى مادام بالذوق يبقى مش هاعملها تانى لكن انتى عارفه لو غير كده كنت برضه مش هاعملها تانى
متشكر ليكى جدا جدا يا بنت الملك بجد مشاركتك وحضورك اسعدنى جدا جدا جدا
ورايك ومشاركتك دايما بتكون جميله ومميزه زيك
ربنا يحافظ عليكى ودايما منوره المنتدى وكل الدنيا

المشاركة الأصلية كتبت بواسطة حنين سنين ووووووووووووووووووووووووو ااااااااااااااااااااااااا ااااااااااااااااااااااااا اااااااااااااوووووووووووو ووووووووو واااااااااااااااااااااااا ااااااااااااااااااااااااا اااااااااااااااااو عماد ظهر على شاشات المنتدى يا سلام كدا الواحد يدخل بقلب جامد المنتدى عشان هيلاقى فيه الكلام الجميل اللى كله احساس وكمان الموضوعات الشيقه ويرجع المنتدى زى ما دخلته زمان المنتدى المفضل حمدلله على سلامك يا شاعرناااااااااااااااااااا ااااااااااا منورررررررررررررررررررررر ررررررررررر ولو بعرف ازغرد كنت عملتها لكن مش بعرف بس اكيد انت عارف فرحتى بيك وبرجوعك المنتدى ربنا يارب يارب يفرح قلبك ويارب مش تغيب تانى زهقتنى وتعبتنى بس كل التعب راح بوجودك فى المنتدى ايوه كدا بقى له طعم تانى ميرسى ليك يا استاذنا وبابا كامل على انك رجعتلنا عماد وميرسى لايمى الرقيقه العسوله اللى بجد تستاهل كل خير

المشاركة الأصلية كتبت بواسطة حنين سنين

واللهى هانضرب انا وانتى بس مش مشكله رافت ايديه خفيفه نستحمله .. انا متأكد من محبتك ومتاكد من فرحتك بوجودى تانى وصدقينى مهما اتكلمت وشكرتك مستحيل هاعرف لانك تستاهلى الدنيا كلها ربنا يفرح كل ايامك يا هنا مع اطيب انسان فى الدنيا كلها والف الف مليون شكر لاهتمامك وكل حاجه ودايما انتى ورافت منورين المنتدى بأجمل كلمات واجمل حضور

المشاركة الأصلية كتبت بواسطة ماروجيرافك عارف يا شاعرنا انا لو حسيت بنص محبه الاعضاء الي انا شايفها هنا ليا كنت نمت وقومت و اكلت وشربت في المنتدي مكنتش غبت ولو لحظه واحده منه بس بجد انت تستاهل اكتر من كده بكتير يا شاعرنا الكبير

ازاى بقى يا مارو تقول كده دانت المحبه نفسها
حد يقدر مايحبش مارو
انت غالى على كل الاعضاء وكل الناس
محبتك مش محتاجه موضوع ولا كلام عشان تبان
انتى غالى علينا كلنا وتستاهل كل خير
متشكر جدا ليك ولمحبتك ولحضورك الجميل ده