يابلادى دمى فى كل مكان بينادى فين حقى فين دمى ودم اخواتى وولادى
شايفة يامصر ياارض الامان
حقى ضايع وانا ساكت وراضى
ساكت وكاتم دمعة جوة قلبى
واة مش عايزة تخرج يابلادى
يابلادى يبلد يوم العيد سكرت ومالت
كاسها من دم الشهداء اخواتى
وبدل ما نتلقى التهانى وعام جديد بالخير يهل
ونلم الهدايا لمت ايديا اجساد اخواتى
والفرحة مات على باب كنستى
والدمعة جوة عينى لسة سامعها بتنادى
يابلدى يابلد الامن والامان
هو انا دمى رخيص للدرجة دى
ولا اكونش غريب مش ابنك
واصلك يامصر مش قبطية زى ما قال تاريخ اجدادى
العيد الى فات كنت العيدية
دم برضة هناك فى نجع حمادى
والسنة دى بديتيها فى اسكندرية
بعملية ارهابية فضل اية لسة يابلدى
هقولك رسالة اسمعيها واضحكى
اخواتى شهداء بيحتفلو بالعيد ويا الفادى
وحق دمى مش هسيبة بس برضة
مش هجيبة بالدمار واخدة بلقتل وحرق الديار
اصل ليا الة جبار عينة عليا
ليل ونهار ومش هيرضا بالظلم والدمار
مش هيرضا انى اقتل انى افجر
واحرق قلب ام على ابنها بالنار
واسفك دماء يمكن تكون لناس ابرار
لا يابلدى متخفيش مش هموت لا هعيش
جوة منك جوة قلبك فى اسكندرية
واسيوط والعمرانية اقتلنى ميهمنيش
مش هموت لا هعيش شهيد او معترف
جوة ارضك جوة قلبك مش ههاجر لا هعيش
بس لو تقدرى اوعدينى
اوعدينى لو تقتلنى تقولين امتا وفين
لامش ههرب او اتغرب
صدقنى هكون اول الموجودين
اصل مسيحى مستنين
مش بالجنة ولا حور العين
لا يابلدى دة الى مجهزهولى
سماء ومجد لا يختر على قلب ولا تشوفة العين
اخر كلامى لو تقدرى اوعدينى
وقلولى امتا وفين
وانا مش ههرب او اتغرب
لا بالعكس هضحك وقول وراكى
من قلبى
يابلدى امين