[عماد حسنى]

دواير ألمك

ان كنت عايش حب يوم .. ودلوقتى بقيت تعبان مصدوم
أن كنت زمان سعيد فرحان .. ودلوقتى مفيش غير الاحزان
أن كنت ماشى وعندك أمل .. وبتسأل دلوقتى أيه العمل
تعالى هاقولك تعمل أيه .. وخطوه خطوه تمشى عليه
هات معايا ورقه وقلم .. وأرسم دايره لكل ألم
وأدخل يالا جوه دوايرك .. وفى كل دايره أحكى حكايتك
وأنا هاسمعك فى كل مره .. وهاقولك شكلك أيه من بره
قول أتكلم أحكى ضيقاتك .. أبكى أصرخ احكى حياتك
قول واتكلم مفيش رقابة .. نفسك تقول بقينا فى غابة
ولا بقينا نظلم وبس .. ولا بطلنا بالجرح نحس
ولا حياتنا بقت رحله عذاب .. أوهام وخداع وامل كداب
قول انا حاسس باللى جواك .. اتقفل فى وشك كام ألف باب
مشيت ودليلك كانلك صديق .. بس فى الأخر خانك الطريق
سهرت الليالى مستنى النهار .. وليلك صرع يوصلك لأنهيار
فضلت تحلم تتمنى أمنيات .. وصحيت على واقع مليان آهات

أقولك كفايه دوايرك كتير .. تعالى هاقولك اصل أمرك خطير
انا مقدر كل اللى فيك .. دوايرك هاتفضل تلف بيك
أصلك دافن نفسك فى ماضيك .. ومفيش أى حلول بترضيك
قدامك الراحه ومش شيفاها عنيك .. دى قوه يسوع بس اللى تكفيك
هو اللى عنده كل الحلول .. هو بلمسه يقدرك يداويك
قوله خرجنى من دواير ألمى .. قوله انت بس اللى تعوض وتبنى
قوله تعبان وانت الامان .. قوله معاك مش ممكن اتهان
قوله أدينى نعمه من تانى .. شيل انت جبال أحزانى
قوله وقفت بس وقعت .. أدينى عصاك تكون عكازى
قوله خلاص مشتاق للخلاص .. اديتهولى وسبته كتير
قوله تعبت تعالى يارب .. حدد ارسم أبنى مصير

المصدر: †† ارثوذكس †† - من قسم: القسم الادبي