مايكل سامي يكتب : ماركو وماريو ومشيئة الله
-----------------------------------------------------
اتنين تؤام واحد اسمه ماركو والتاني اسمه ماريو
بيعملوا كل حاجه زي بعض وبيروحوا اي مكان مع بعض
كانوا بيعانوا بأفراز دموع من العين اليسري وهذا الموضوع كان ملازمهم منذ الولاده
ذهبوا الي اكبر الدكاتره المتخصصين في علاج العيون وتم عمل تحاليل واخذوا كل العلاجات اللازمة ولكن كل المحاولات بائت بالفشل
وفي احدي المرات قررت الكنيسة ان تقوم برحله لأحد الأديرة المشهورة بوجود اب راهب بها معروف عنه القداسة والبركة
قرروا ان يشتركوا في هذه الرحله ليقابلوا هذا الراهب كي يصلي لهم وايضا ليأخذوا بركة المكان
ولكن تاجلت الرحله عدت مرات بسبب ظروف خارجه عن ارادة منظميها
مرة بسبب سوء الحالة الجوية وهبوب عاصفة ترابيه
ومرة بسبب الامطار الغزيرة
ومرة بسبب وفاة والد احد الخدام
فقرر ماركو ان يعتزر عن هذه الرحله وبالفعل قام بسحب اشتراكه لانه اتشائم وقال
كده ربنا مش رايد اننا نطلعها ولو طلعناها الاتوبيس هيتقلب او هيحصلنا حاجه في الطريق
لكن ماريو قال : انت ازاي تدخل في مشيئة ربنا وتترجمها علي هواك
رد ماركو وقال : ماهو طالما ربنا أجلها اكتر من مرة يبقي اكيد هيحصل حاجه وهو مش رايد اننا نروحها
فقاطعه ماريو بالكلام وقال له : ربنا اجلها اكتر من مرة علشان ممكن كان هيحصل حاجه وحشة لينا في المرات اللي فاتت .. ولكن طالما اتحدد معاد وثبت يبقي خلاص ربنا اراد اننا نطلعها
رفض ماركو رأي اخوه وقال له : روح انت وانا هقعد في البيت
وبالفعل ذهب ماريو الي الدير مع رحلة كنيسته وظل ماركو في البيت قلق علي اخوه وكل لحظة يتصل به كي يطمئن عليه وعلي وصوله
ويا للمفاجأة
اذ يصل ماريو للدير ويسأل عن الراهب فيقولون له انه كان مسافر لمده 6 اشهر ووصل بالامس
وبالفعل تقابل ماريو مع الراهب وصلي له علي عينه واصبحت سليمة تماما لا يوجد بها اي اثار للأعراض القديمة
عندما علم ماركو هذا فرح لاخوه جدا ولكن حزن علي نفسه وحزن انه فسر مشيئة الله علي هواه
علمتوا يا اعزائي لماذا كان الله ياجل هذه الرحله ؟؟
لان لو كانوا ذهبوا منذ ان تحددت اول مرة .. فلم يجدون هذا الراهب بسبب سفره
--------------------------
عزيزي القارئ
مش معني انك صحيت من النوم ولقيت المايه مقطوعه يبقي اليوم بيبان من اوله
مش معني انك كنت رايح مشوار والكاوتش فرقع يبقي ربنا مش رايد انك تروح المشوار ده
مش معني انك داخل علي مشروع خطوبة وحصلت حالة وفاة يبقي ربنا مش رايدهالك
مش تترجم مشيئة ربنا علي هوااااااااااك
لو ربنا مش رايدلك حاجه هو اللي هيخفيها من حياتك او هيبعدك عنها بمعرفته
لكن مش تترجم مشيئة ربنا علي هوااااااااااك
لو ربنا مش رايدلك حاجه هو اللي هيخفيها من حياتك او هيبعدك عنها بمعرفته
لكن مش تترجم انت مشيئة ربنا علي هوااااااااااااك
قول يارب اعمل ليا الصالح واجعلني كالخشبة الملقاه في المياه التي تحركها الامواج .. فأرسل لي امواج مشيئتك لتحركني كما تشاء
صلوا من اجلي
مايكل سامي