عزيزى البابا شنودة ... انا واقعة فى مشكلة ونفسى احكيهالك وتقولى اعمل اية .... ارجوك لو فعلا بتشوف الرسايل دى رد عليا
انت اكيد عارف كل واحد من ولادك واكيد من قبل مانا هاحكيلك انت هتكون عارف من عند ربنا
انا عندى 28 سنة وشغالة مهندسة ومخطوبة من 5 شهور .. من شهرين بابا اتوفى ومن 8 سنين ماما اتوفت
عندى اخين كبار عنى ب 8 سنين
المشكلة ان اهل خطيبى عملولى مشاكل واجبرو خطيبى انة ينزل يشوف عروسة .. وبعدين طلبونى وقالولى انة ماشى مع واحدة تانية .. وانا طبعا اتضايقت وكبرت الموضوع جداا وقعدت اشتكية لابونا وطبعا جبت القديم والجديد
خطيبى اعتذرلى وانا بحبة فعلا وابتديت اثق فى محبتة
المشكلة ان دلوقت ان الموضوع فى طريقة للانهيار ... وانا مش عايزة دا يحصل ولا هو كمان وخصوصا انى دلوقت منغير بابا
وخصوصا ان خطيبى كان غصب عنة انة يتصرف غلط نحيتى وندم ... وخصوصا ان انا كمان مش كاملة وكنت بعمل مشاكل
انا قلت ( خطيبى غلط فى حقى وانا كمان غلطت فى حقة وخلاص اعتذرنا لبعض ) لكن محدش عايز يسمعنا
قعدنا مع ابونا فى العذراء الزيتون وقال لنا منكلمش بعض لغاية العيد وبعدين هو هيحاول مع الاهل
طب لو الناس قلبها جمد انا اعمل اة ساعتها؟؟
انا خايفة وقلقانة ... ارجوك حاول ترد عليا وعشان خاطرى صلى ان خطيبى يرجعلى