زى رضيع ... بخاف لما ابقى عن حضنك بعيد ...
وبضيع
عشان مقدرشى اسيب ايدك .. واخون.. او ابيع
ورغم بأنى مش ناسى ..
سعات ببقى قوى وقاسى .. واسيبك رغم احساسى ..
بأنى رضيع
+ انا محتاج تلملمنى فى حضنك لما نتلاقى
انا عاوزك تدللنى .. تنادينى وانا اتشاقى
وحشنى انى اشوف نورك .. او انى اتباهى بصفاتك
او اعمل غلطة فى حضورك .. وتكسفنى بانظراتك
مشاعرى يابويا مشتاقه
+ انا مشتاق قوى لحضنك .. لكن خطواتى مربوطة
ومش عارف اكون ابنك .. برغم الذكرى موجوده
نسيت ازاى انا بفرح .. بفضفضلك عشان مليت
وحشنى الستر والمذبح .. وحشنى حتى باب البيت
لكن كلماتى محدوده
+ وزى رضيع باخد فكرك .. وشاغلة بالك احوالى
ومهما عمايلى بتكابرك .. عزيز قلبى قوى وغالى
ومهما ذنوبى تبقى جبال .. لو احتاجتك و كلمتك
بتنسى وكل ده بيتشال .. عشان لو مره انا نديتلك
وقلت يابويا تعالالى
زى رضيع