ايه اخبارك
ايه اخبارك يا دنيا قوليلى .. مستنيكى خلاص انتى احكيلى
عذبتى كام واحد فيكى .. وضحكتى كام واحد معاليكى
ما احنا ماشين مش عارفين .. هتلفى بينا وتودينا لفين
آدى واحد فرحان ايه يعنى .. كان من يومين بيولول ويغنى
وآدى التانى مكسور وحزين .. مع انه امبارح كان زى المجانين
وواحد تانى بيشكى فحاله .. خسران تعبان من اللى جراله
وقدام عنينا البيه كسبان .. ربنا يبعده عن الاحزان
وفى الباشا عاشق ولهان .. سرحان على طول شارب بتنجان
وفى نفس الوقت غيره بيشكى .. احلى صابونه عليها بيبكى
وبنات حلوه وزى العسل .. قاعدين فى بيوتهم بيقشرو بصل
وبنات تانيه بشويه هدوم .. سكينه فى الحلاوه . ولا حاجه بدوم
وشباب متخرجه ومعاها شهادات .. بيتخانقوا مين فيهم شحات
وشباب تانيه اخر فهلوه .. تكسب ببساطه من بيع الهوا
حتى العيال مش خالصين .. من صغرهم طالعين مروشين
تديله الجنيه يبصلك فيه .. يرميه فى وشك ولا يدسلك عليه
ايه بس يا دنيا جرالك .. ماتسبينا فى حالنا وخليكى فى حالك
نعملك زار ربنا يهديكى .. يمكن مره نشمت فيكى
ولا نتلم كلنا عليكى .. ونقولك تعالى ونطلع عنيكى
اصل محدش فيكى مرتاح .. ممشيانا بالبركه سداح مداح
ولا اقولك خليكى بمزاجك .. منا كتير عارف علاجك
مش هنديكى اى اهتمام .. بس الواجب هنقولك تمام