دى معجزة حقيقية حصلت معايا انا شخصيا وهى كالاتى
من حوالى 3 سنين بالظبط كنت فى معهد سياحة فى قنا وكنت فى سنة تانية وفى الترم الاول نجحت فى كل المواد بتقدير جيدجدا ماعدا مادة واحدة بس تقديرى فيها كان ضعيف
وكنت حزين جدا بس انا طلبت من ربنا انه ميسيبنيش ويساعدنى واتشفعت بالبابا كيرلس السادس وقلتله يا بابا كيرلس ساعدنى واتشفع فيا عند المسيح...
وقلتله انا هنشرلك المعجزة دى فى كتبك لو حصلت معايا
وبجد انا كنت محتاج تقدير جيد جدا الترم التانى وانى انجح فى المادة اللى كنت شايلها الترم التانى عشان احقق امنيتى واكمل كلية واحقق رغبة ابويا وامى
وفعلا فى اول مادة فى الامتحانات وقبل ما امتحنها حلمت بالبابا كيرلس وكان حلم جميل جدا جدا جدا ولما قمت من النوم كنت فرحان وكنت مطمن قوى
وفعلا امتحنت زنتيجتى بانت وجبت تقدير جيد جدا وكملت كلية كمان
بجد انا بتاسف جدا للبابا كيرلس ولكل الناس لانى اتاخرت عليهم بنشر المعجزة
اخوكم عماد حسنى ميخائيل
صلوا دايما
واتمنى منك مشاركتنا فى جروب تاملات روحية وده الرابط بتاعة على الفيس بوك
http://www.facebook.com/group.php?gi...d=188317913023
واتمنى منك المشاركة انتوا واصحابكم والجروب ده هتلاقوا فيه كل التاملات اللى انتوا عايزينها
غير الصور والفيديو وروابط الترانيم وكمان جميع تاملات البابا والترانيم كلها مش بس كده لا ده كمان فيه كل الافلام الدينية
ربنا معاكم صلولى