رد: طب ليه
كُتب : [ 07-23-2009
- 08:52 AM
]
اقتباس
المشاركة الأصلية كتبت بواسطة عماد حسنى
طب ليه
مش انت يارب قــــــريب مننا .. مش انت شايفنا وحاسس ضعفنا
طب ليه خوفنا تـملى يشدنا .. يعيشنا بغربه حتى مع نفــسنا
ليه دايما يكسرنا حـزننا .. ليه حاسين بجرح فى قلبنا
ليه بنبقى مع كـل الناس .. وبرده نقول ان احنا لوحدنا
مش انت يارب ابونا الوحيد .. مش انت اللى تشفى بلمسه أيد
طب ليه التعبان والمريض يتألم .. ليه المــــجروح مــش قــادر يتكلم
ليه اللى حـمله تـقـيـل عـــلـيـه .. يبكى مايلقاش اللى يـمـــسح عينيه
ليه اللى يصرخ مايتحسش بيه .. ينــادى الــرحمه الظلـم اللى يجيه
مش انت يارب الحنين علينا .. مش انت اللى مع كل ضيقه تجينا
طب ليه همومنا ساكنه فينا .. لــيه أقـــل حــاجه تـقـدر عـلـيـنا
ليه بنتعب ونرفـع عينينا .. ليه محتاجين ومش طايله أيدينا
ليه محرومين حتى امانينا .. كــل اللى بنعمـله بـنـتـوها بـيـنـا
مش انت يارب قـــادر تســـمعنى .. مش انت بس اللى بتتحملنى فى تعبى
انا اهو قدامك حيران .. قدامك محنى مليان تعبان
كلامى مستحيل يكون عتاب .. كـــلامـى لأبـويا ورب الاربـاب
انا ابنك وكتير فى العذاب .. وهلاقى عندك لكل ليه جواب |
رووووووووووووووووووووعة بجد
عاوزة اعترف لك بحاجة يا ارق فنان
انا كان بيعجبنى اكتر دائما شعرك العاطفى عن الروحى
كنت بحسة اكثر احساس
ماعدا عارفك وهذة القصيدة فوق الرائعة
المملوءة بالشجن والصدق والاحساس
والتساؤل العميق
طب لية ؟
لية صحيح؟
يمكن لو ارتحنا فى الارض وتحققت رغباتنا
لن نسمو بنظرتنا لساكن السماء
وتتبدد ابديتنا
وحلاوة اشتياقاتنا الى اللة
يمكن علشان نكون شركاء لالام السيد المسيح
ونشعر اكثر بمحبتة وغلاوتنا عندة كلما ازدادت الالام
يمكن كمان
علشان تمتتعنا بتاثير الشجن الرقيق فى قصيدتك الرائعة
الاعمق على الاطلاق فى كل المشاعر الانسانية
شكرا لك يا ارق فنان
ملحوظة :
طبعا لطشتها ونقلتها باسمك لموطنى الاصلى الحوار الكنسى
فى شوية شعر قسم الهوايات والاشعار
اسفة على التطويل فى الرد
وتعيش وتكتب اقوى الاشعار
واحلى تقييم
|