لى صديقة من خلال النت ارسلت لى هذة القصة وطلبت راى ضرورى وانا مش عارفة اقولها اية بس حبيت اعرضها هنا لعل وعسى الاقى انا وهى حل للمشكلة دى اتمنى من الاعضاء مساعدتها ضرورى لشدة احتياجها لذلك القصة تقول
انا فتاة ابلغ من العمر 27 سنة ولى ثلاثة اخوات تعرفت على رجل متزوج وقربنا من بعض اوى اوى لدرجة وصلت لتجاوزات حصلت بينا
انا عارفة ان معرفتى بيه غلط ومجرد انى على اعرفه وهو متجوز ده فى حد ذاته زنا
بس انا بحس معاه بامان غريب بحس فى حضنه بحنان عمرى محسيت بيه بيحسسنى انى بنت مش ام مسؤلة بيحسسنى بحاجات كتيير اوى ناقصانى بس انا ربنا زعلان منى اوى بخاف اروح اعترف ببقى مش عارفة هاقول اية لابونا وساعات بفكر واقول خوفك من ابونا مش هيبقى زى خوفى من ربنا ككسوفى انى اقول لابونا انا عملت اية كان فين اما زنيت وفكرت مجرد التفكير فى الزنا نفسه
انا عيلتى بيحبونى اوى اوى وميقدروش يستغنو عنى لانى انا المسئولة عن البيت قبل موت ماما وبعده والمسؤلية كلها عليا
انا مش ببرر لنفسى الزنا بس انا حاولت ابعد عنه مقدرتش انا اتعلقت بيه اوى اوى واما حاولت ابعد عنها لانى خايفة اموت فى اى لحظة وانا زانية قدام اللى خلقنى مش بقدر بلاقى مشاكل كتير تحصل وابص حوليا ملاقيش غيرىه كل اما اقول ابعد عنها الاقيه بيقرب
انا سمعت وعظة للبابا شنودة بيقول فيها الحاجة اللى بتمسك فيها بتمسك فيك
انا قرفانة من نفسى وخايفة بس فى حاجة منعانى انى ابعد عنه اية هى مش عارفاها
انا محدش يعرف عنى حاجة وماليش اصحاب غير واحدة بس ديانتها مختلفة عنى بس مقدرش اتكلم معاها فى كدة
انا طبعى وحش انى كتومة اوى اوى ودة تاعبنى
ارجوكى ساعدينى
اتمنى الرد السريع متشكرة لتعب محبتكم