كُتب : [ 01-10-2010 - 10:45 PM ]
ليلة العيد انا بيها ببقا مبسوط وسعيد بلبس لبس جديد والبيت كلة فرحان وسعيد ماهى بقى ليلة العيد هاعدى على اصحابى ونروح الكنيسة هانحضر القداس نتناول ونصلى وبعدين على هاروح افطر وسط اللمة والهيصة ماهى ليلة العيد اتفقنا انا واصحابى نخرج الصبح هانعدى على بعض ونخرج خروجة جميلة هانحلف بيها طول العمر ماهو قرب يجى يوم العيد روحنا الكنيسة والمذود كان جميل قوى حبيبى يسوع كان جواة وماما العدرا كمان شيلاة وخلص القداس واتناولت وفرحت يا ناس دة عيد ميلا د حبيبى يسوع دة يوم عمر ما حد يقدر ينساة ماهو خلاص داخلين على فطار العيد واستنيت اخد العدية قبل ما اروح لازم حد يعيد عليا دورت على اصحابى لاقيتهم زيى واقفين ومستنيين العيدية وو... وجت العدية بس كانت غريبة عليا عدية بتوجع عدية بتهدم عدية الغدر والخيانة ماهو خلاص .............. وفجاة بقى قدامى ا صحابى فى الارض مرميين وشريط ذكرياتى قدامى بيجرى وبقيت بصرخ وانادى الحقينى ياا م النور تعالى الحقنى يايسوع انجدنى ارحمنى قتلونى وانا ممعملتش حاجة تعالى الحقنى تعالى ماهو خلا............. اصحابى جنبى مقتولين واناس حواليا بتبكى وانا مش عارف دول مين ماهو خل.................... عملولكم اية المسحيين عمرهم ماغدروا ولا عرفوا شكل الكرة اية ماهو خ............. انا ماشى خلاص رايح عند الى بيحبنى انا ماشى هاروح عند الى هايفطرنى هاخد منة العدية وهاقعد اتكلم معاة ماهو انا هابتدى من جديد وياة المصدر: †† ارثوذكس †† - من قسم: القسم الادبي