حبيبى ياللى سامعنى
حبيبى ياللى سامعنى ياريتك تكون معايا
دى كل حته منىّ بتنادى وتقول كفايه
قرب تعالى تلمس ايديك ايديا
قرب تعالى هات عينيك ف عينىّ
معاك القلب تاه واتعلم يغيب
أسأله ايه جرالك يسبنى ويبعد بعيد
اقوله ارجع تعالى يقولى ده مش أكيد
والعين بقيت فى حيره لصورتك بتعيش اسيره
وكتير اترجى فيها سبيها بكره تلاقيها
تقولى دى صوره حبيبى وما باليد حيله
والعقل يقولى مالك فى ايه شاغل خيالك
اشكيله حالى وامرى واقوله فكر ساعدنى
الاقيه يقولى ماشى سيبهالك وماشى
جاى دلوقتى تنادينى مانا قبلك خدنى حنينى