رد: ادخل وحط الصور الشخصية بتاعتك بسرعة
كُتب : [ 07-25-2008
- 02:54 AM
]
بسم الثالوث المقدس
أخواتى أعضاء منتدى أرثوذكس الغالى
شكرا ليك يا مينا على تعبك فى الموضوع اللى ما عجبش حد خالص
وبصراحة فكرة أن البنت تحط صورتها على النت عموما ده صعب شوية
بس أنا ليا عتاب صغير على كل الاعضاء اللى ردوا على الموضوع
وانا شايف إن معظم الردود فيها إهانة وتجريح لأخونا فى المسيح مينا
واعتقد إن انتوا مافكرتوش شوية فى إحساس ومشاعر الراجل وهو بيقرأ التريقة اللى مكتوبة عليه
وبعدين الراجل ما عملش جريمة بشعة الراجل عمل موضوع وطلب طلب اللى عايز يحط صورته يحط
واللى مش عايز يكتفى بالقراءة فقط او الرد بس بدون تجريح علشان ما يزعلش مننا
وكنت أتعشم إن مشرف القسم يكون هو أول واحد يرد على الموضوع
ويفهم مينا أخونا الصغير (13) سنة إن ماينفعش إن أى بنت تحط صورتها على أى منتدى أو موقع
وطبعا كلنا أخوات سواء شباب أو بنات وبنخاف وبنحب بعض جدا تحت أسم المسيح
وفى النهاية ليا طلب صغير أرجو تنفيذه وهو حذف الموضوع أو على الاقل إغلاقه
لانى بصراحة أنا حاسس إن أخونا مينا بطل طبعا يرد على أى رد
وانا خايف بصراحة إن هو يكون زعلان ولا حاجة
صلوا من أجلى
|