[سيزر الروش]

عدت علي كانت حلوة ملت عنيا
قلت اصاحبها يمكن الاقى فيها الحنية
فرشتلى الأرض كلها ورود
وعدتنى بسعادة ملهاش حدود
كل يوم حبنا كان بيزيد بجد
و كنت بوفى معاها بكل وعد
لحد ما فى يوم زال القناع عن الحقيقة الخطيرة
و قالتلى عايزة اكون فى حياتك أميرة
سألتنى مين ملك حياتك
جاوبتها يسوع
قالتلى كدة حبنا صار ممنوع
قالتلى بيعه
قلتلها ابيع
ردت وقالت ماتخفش مانت من غيره مش هتضيع
معرفش ساعتها انا كنت تايه ولا سرحان
ولا سحرها خلانى عميان
ازاى بس ماخدتش بالى من الكلام
واحدة واحدة حياتى بقيت سراب
خلاص مش قادر اشوف من كتر الضباب
بقيت على وشك الانهيار
هدتنى زى ما اتهد شمشون الجبار
قلت انا لازم اخد قرار
فكرت...و قررت انى اقتل الخطية
قتلتها و مش ندمان
و عمرى ما هكون عليها زعلان
ايوة مش هندم انى قتلتك يا خطية
مانتى تستاهلى بعد كل اللى عملتيه فيا
انا بس جاى و بطلب غفران فاديا

و هى دى حكايتى مع الخطية

صلوا من اجل ضعفى


بجد بجد يا تاسونى روعة وااقل حاجة اقدر اعملها التقيم تم التقيم

وبجد مش لاقى كلام اقولة ربنا يباركك ويفرحك وبجد وبعد اذن حضرتك اسمحيلى انى اقدمها فى الاجتماع واذكرينى فى صلواتك انا الخاطى

[/quote]