[عماد حسنى]

أجرى عليك يا يسوع













وقت لما أشوف حياتى مفهـــاش لحظة أمل .. كل يوم بتزيد ضيقاتى وتبقى فوق المحتمل

أجرى عليك يا يسوع أنـــت يا نـبع الرجاء .. عند قدميك وبـدموع الآقى عــندك العزاء ..

وقت ماأتعب وأحـــاول أبنى وأعلـى العـمل .. وأجى أستنى النتيجة ! حصرة ومعاها الفشل

أجرى عليك يا يسوع تعـيــد بنايا مـن جـــديد .. أنت الفخارى العظيم وأنا اللى تشكلنى يديك ..

وقت لما أوفى بعود وأثق فى بعض البـشر .. والآقى منهم الجحود والشر هو اللى أنتشر

أجرى عليك يا يسوع وقلبــــى جـــــوايا ذلــــــــيل .. تلمس جرحى وحبك يزيد وتشفى فيا اللى انكسر ..

وقت ما يضعف إيمـــانى ويسـكنى حــزنى الكبير .. كــــل ما أقف اقع تانى غصب عنى الحمل تقيل

أجرى عليك يا يسوع وأقولك تعبت مش قادر أشيل .. أنت أقوى من كل تعـــــبى أنت أله المستحيل ..

وقت ماأخسر سنينى وكل سكه تودينى فى ضـــياع .. وخوفى ويأسى يبدأ يجينى وأقرب ما ليا الكل باع

أجرى عليك يا يسوع أنت ترجعـلى اللــى ضــــاع .. واللى يقوى وملوش حلول عندك أنت مســتطاع ..

المصدر: †† ارثوذكس †† - من قسم: القسم الادبي