[ميلاد صدقى]

فاصل ونواصل

من .ك اسكندرية الى اطفيح والان امبابة
الاشرار حولوا ثورة يناير الى حزن وكـأبـة
فى كل مكان فيكى يابلد انتشرت الديابة
وكل هجوم بحجة شكل واستفزاز وخيابة
ولا حكومة ولا شرطة ولا قانون ولا نيـابـة
عـايز من اللى مـاسكين البـلـد الان اجـابـة
اية المقصود اية المخطط فوضى بلا رقابة
صمت رهيب منهم وتحولت بلدنا الى غابة
يعنى اية الامن قاعد بيتفرج من فوق دبابة
على الاشـرار فئـة جـاهلـة وضالـة ونصابة
صدقونى اهم صفات الشياطين انها كدابة
هايستمروا لان الشيطان رافعلهم السبابة
مش هايسكتوا اللى لما البلد تبقى خرابة
بيتشطروا على ناس طيبين ومسالمين وغلابة
مهما عملوا فينا احنا بمسيحنا بنزيد صلابة
وهانتمسك بوعودة مهما كانت خطورة الاصابة

فاصل ونواصل

بقلمى ودمعى ..ميلاد
8/5/2011

المصدر: †† ارثوذكس †† - من قسم: القسم الادبي