سنة جديدة اتمنيت من ربى فيها حياة سعيدة
اتمنيت اشوف اهلى فى احسن حال
ولا يشوفوا دمعة ولا اه
قلنا نعيد مع المسيح
نقوله نوفرى شاى .ميلاد مجيد
رحنا السما واتناولنا
ونزلنا من تانى للارض وقدرنا
خارج من الكنيسة الفرحة مش سايعانى
شفت منظر عجيب شغل بالى
شفت المسيح فاتحلى احضانه
بيقولى تعالى يابنى وجنبه العدرا ندهانى
مفهمتش واستغربت
وقلت ده حلم ولنفسى فوقت
وفى لحظة حسيت بنار بتسرى فيا
وبحور دم تكسى جسمى وايديا
اترميت على الارض وايديا ممدودة فوقيا
ناديت ياعدرا ومسكت ايدين فاديا
قلت ده علم مش حلم ولا وهم ليا
خفت اوى على امى بس ربى ادانى الامان
قالى زى مابدى التجربة معاها المنفذ والامان
تعالى انت فى حضنى ده مكانك عندى من زمان
فى لحظة لقيت اكليل جميل منور راسى
وتوب ابيض لجسمى كاسى
سامع صراخ امى بس لالامى ناسى
افرحى يا امى ابنك شهيد وفى حضن المسيح همومه
ناسى
ابنك ساب العالم الفانى
ملوش مكان وسط ناس قلبهم قاسى
افرحى بابنك يا امى ابنك شهيد
ولالام العالم الفانى تارك وفى حضن الهه حبيبه لهمومه ناسى