[emmmy]

اولا طبعا شكرا على وجودك الرائع استاذى
ثانيا كلام جميل مقدرشى اقول فية حاجة
بس هكون صريحة معاك لابعد الحدود وهكلمك بصدق وامانة
لأجل البنيان لينا كخدام وللمخدوم كمان
انا كتب الموضوع مش لمجرد المعلومات ولكن للافادة فعلا ودى تجربة شخصية انا مريت بيها وبشوفها كتير بين الخدام
انا لو حد انتهر ابنى ووبخة حتى لو كان بالشكل دة لاجل غيرة حلوة على بيت اللة او على نفس بشرية

فانا أفرح لأن الله زرع في أخي الغيرة الحسنة لأجل هيكله المقدس الذي هو المخدوم لتتصحح حياته ويسير في خوف الرب ...

دة كلام رائع انا ممكن افرح طبعا جدا بس فى مش فى كل الاحوال
وممكن بردوا مفرحشى مش لانى حاسة انى زعلانة على ابنى او بنتى لمجرد تدخل من خادم او خادمة غريبة مش لاسباب شخصية على الاطلاق لكن لان المخدوم ممكن جدا يكون بيعمل الخطأ دة لاسباب نفسية معينة انا بس اللى اعرفها بما انى مسئولة عنة وبقعقد معاة
وعلى سبيل المثال !!!
طفل شقى بشكل مفرط ومستفز جدا جدا ومش قاعد ساكت وبيلعب فى الكنيسة وكتير مننا بيسميها عدم احترام بيت اللة
هذا الطفل مكبوت كبت رهيب فى البيت وبيتعامل خطأ جدا طبيعى انة لما يلاقى فرصة يفجر الطاقة اللى جواة فى اى مكان بعيد عن التوبيخ والانتهار بشدة هيعمل دة بفرح
انا الخادمة المسئولة فاهمة مشكلتة النفسية والخطأ اللى جاى من البيت
علشان كدة هستحملة وهوصلة رسالتى بالراحة وبالصبر وبمحبتى لية وقربى منة واحاول اشغلة واخلية يشارك معايا فى الخدمة بشكل مش مباشر
لما يجى خادم وينتهر هذا الطفل امامى طبيعى انى اتضايق وارفض دة
لانة كدة بيعقد الامور اكثر واكثر من غير ما يقصد
بس المشكلة بقى تبقى فى موقف الخادم معايا ممكن يحصل زعل او فجوة يجى منها برود فى المحبة او حساسية فى التعامل بشكل عاااام

اعتقد الحل الافضل انى لما اشوف مخدوم بيعمل اى خطأ اروح للخادم المسئول عنة واتكلم معاة بمحبة واقولة شوف ابنك عمل كذا وكذا ياريت تاخد بالك منة وبما انة عارفة وعارف مفاتيحة هيقدر اكثر منى يتصرف صححححح

ثم فى حاجة كمان المخدوم مش هيسمع للخادم الغريب غالبا
لازم علشان يسمع للخادم يكون بيحبة وعارفة وخصوصا فى الجيل دة بتاع دلوقتى
لازم علاقة محبة قوية بين الخادم والمخدوم
علشان المخدوم يسمع والخادم يقدر يوصل رسالتة

اية رايك يا استاذ ايمن فى الكلام دة ؟؟
انا صححح ولا غلط ؟؟؟