انت صاحى ولا لأ ؟
ياعنى انت متأكد انك صاحى مش نايم
امال عامل نفسك بتحلم ليه؟
و مغمض عنيك ليه ؟
ليه ديما مش شايف ؟
افتح عنيك ....
شوفت ...شوفت ايه ؟
شايف الى قاعد هناك ده الى على الارض ايوه الى بيحاول يبيع كيس مناديل عشان ياخد جينه ياكل بيه
و انت مشيت جنبه عملت نفسك بتحلم ....
طاب شفت البنت الى هناك ديه الى فى ناس بتبهدل فيها و بتسنجد بحد
وانت مشيت و عملت نفسك بتحلم .....
طاب شوفت الراجل العجوز الى شايل حاجات ثقيله مش قادر يمشى
و انت مشيت و عملت نفسك بتحلم .....
طاب لما روحت مفتحتش عنيك و شوفت النعمه الى انت فيها
انت مشيت و عملت نفسك بتحلم.....
لغايت امتى هنفضل مغمضين عنينا و عملين نفسنا بنحلم
لغايت امتى هنقول ملناش دعوه
لغايت امتى مش هنفكر فى كل نعمه ربنا بيديهلنا
لغايت امتى هنفضل نحلم ؟
أختكم الضعيفه / مرموره
صلولى