كلنا خطاه كلنا تايهيــــــــــن *** بعنا ابن الله بشويه ملاليـــم
اللى باعه بشهوة رديــــــــه *** واللى خانوا بعيشه هنــــيه
واللى باعه بارخص تمــــــن *** واللى اتسبب ليه بالالــــــم
انا زى يهوذا بعتك كتيــــــــر *** مع انك رضيت بحملى التقيل
وشيلت عنى الام الصليــب *** وكنت لجراحى اعظم طبيـب
برغم انى اهنتك كتيــــــــــر *** لكنك شارينى بزنبى الكبيــر
كتير باعوك وكتير خانـــــــوك *** وبتصبر علينا جايز نفـــــــوق
فى كل يوم وفى كل ثانيـــه *** ببيعك ياربى وبشترى الدنـيا
يا ربى ليه اتحملت دا كلــــه *** وشيلت عزابى والمى ومره
لحد امتى هاتقبل تتـــــباع *** ولحد امتى تقولى اؤمر فتطاع
بتقابل جهلى بيـــــــــــــــــك *** بحنان لمسه ايديـــــــــــــــك
نفسى اجرى عليــــــــــــــك *** وارتمى عند قدمــــــــــــــيك
وازرف لك الدمـــــــــــــــــوع *** يا الهى حبيبى يســــــــــوع
موش هاسيبك تانى خـلاص *** وهاحبك وهاسيب النــــاس
ولا يمكن ابدا هارضــــــــــى *** بحياتى ماليها الفوضـــــــــى
وكنوز العالم وامــــــــــــواله *** شهواته ولذاته وسلطانـــــه
موش ممكن ابدا تغرينـــــى *** دا حبيبي ملا قلبى وعينـــى
ولا يمكن اقبل تانــــــــــــى *** اكون يهوزا انانــــــــــــــــــى
بعد ما دقت حنانـــــــــــــــه *** هاعيش بالحب عشانــــــــه
الله على العشره معــــــــاه *** بجد بجد ما اشهـــــــــــــــــاه