احلم يومين
احلم يومين وبعدين فوق
احلم وعيش واوصل لفوق
طير بجناح فوق السحاب
اعلى واعلى فوق العذاب
اطلع والمس بايديك النجوم
احلم كأنك عديت الغيوم
وأرسم حبيبك على ورق الشجر
لون عيونه بحبات المطر
وسيب أيديه تدوب فى أيديك
سيب الكلام بس لعينيك
وشوف حبيبك هايقولك ايه
وقبل ما يطلب من روحك أديه
أشرب معاه أجمل كاسين
يسكرك بالحب تسقيه بالحنين
أتنفس هواه وقرب منه
غمض عنيك وأسمع نبضه
هتعيش الغرام ويتوه الكلام
سافر معاه لأبعد مكان
هيقرب منك قرب كمان
نام فى قلبه ودوق الحنان
قوله بحبك من غير حروف
هتلاقيه بيضمك من غير اى خوف
هتكون ساعتها وصلت لفوق
وتقول لنفسك ده حلم وفوق
------------------------------