رد: لوسمحت الى عندة الحل يدخل بسرعة
كُتب : [ 02-26-2010
- 06:38 PM
]
اولا انا بحييك على شجاعتك وجرائتك
وكلامك وسؤالك دة معناة انك بنت كويسة وبنت المسيح ومش عايزة تعملى حاجة غلط تزعل ربنا منك وعايزة حقيقى تعرفى الصح
بصى يا حبيبتى انا هكلمك كاخت بكل الحب
دلوقتى انتى بتقولى انك فى تالتة اعدادى تفتكرى دة سن مناسب للحب والارتباط وهو الشخص دة اللى اكتشفتى انة بيحبك بيعاملك ازاى هل علاقتكم معروفة يعنى قدام ربنا وقدام الكنيسة وقدام الناس واهلك
لو حسيتى ان فى حاجة اى حاجة انتى خايفة حد يعرفها اعرفى على طول انها غلط لان الان الصح مش بيخاف من النور ولو هو طلب منك انك متقوليش لحد يبقى نيتة مش سليمة ومش جاد فى حبة ليكى لانة لو بيحبك هيخاف عليكى ومش هيطلب منك تعملى حاجة انتى تخافى تقوليها لغيرك
طيب اقولك على حاجة تانية الولد دة اد اية اكبر منك بكام سنة وقدامة كام سنة يخلص دراسة وجيش ويعمل لنفسة بيت كويس ومستقبل مضمون وحلو ليكى يبقى قدامة اد اية ؟
طب بلاش هو سيبك منة هو انتى قدامك اد اية لحد ما تخلصى دراسة مش اقل من 7 سنين ياترى هتفضلى متعلقة بية 7 سنين وتشغلى نفسك بية 7 سنين هتعرفى تركزى فى مستقبلك الدراسى وتحقيق ذاتك وفى نفس الوقت تركزى فى الحب اللشخص اللى اكيد هياخد من تفكيرك واهتمامك ومشاعرك
عزيزتى حاولى تفكرى بموضوعية اكتر من كدة شوية وصديقنى الحب هيجى هيجى فى الوقت المناسب عيشى سنك واهتمى بدراستك لو خسرتيها لاى سبب مش هتعرفى تعوضيها الحب ممكن يستنى لكن النجاح الدراسى لا مش هيستنى
طيب انتى قلتلى لماما ؟ لو الاجابة لا يبقى انتى حاسة ان الموضوع فية حاجة غلط وانة مينفعشى والا كنتى اتكلمتى بقلب جامد وحكيتى لها
على فكرة سنك دة جميل جدا ان احسن مرحلة مرت عليا كانت سن اعدادى المشاعر فية بتكون شفافة ورقيقة وجميلة وطاقة الحب مالهاش حدود استغلى انتى دة ووجهى مشاعرك دى نحو المسيح عريسك السماوى اللى حبة مالوش حدود وهو صديقنى هيشبعك ويملى قلبك بالحب والفرح وهيكون ليكى معاة علاقة حية ودالة جميلة
اما العريس الارضى سيبية لما يجى وقتة المناسب وتكونى اخدتى خبرة فى الحياة علشان تعرفى تتعاملى معاة وتتحملى مسئولية زى دى لان الحب مش مجرد مشاعر حلوة وكلام جميل بيقولوة الحب مسئولية من الطرفين نحو بعض وشركو مقدسة فى حضرة اللة والكنيسة
الرب قادر ان يرشدك ويملا قلبك بالحب الالهى الذى يشبع كل القلوب
الرب معك
|