دموع غلطانة
كُتب : [ 09-02-2011
- 10:35 PM
]
...دموع غلطانة...
سمعت دموعى بتتكلم عنى
خفت لاسمع حاجة تزعلنى
لقيت دمعة بتقول للتانية
ادينا اهو نزلنا فى ثانية
نزلنا ع مشهد فى فيلم مؤثر
نزلنا و خلاها هى تتاثر
ردت التانية و قالت:
و هى بتعيط لية؟
عشان كل دة حصل اية؟
قالت الدمعة:اصل البطل مااات
فى حكاية تانية من الحكايات
و الالام فى الافلام خلتها تعيط هى كمان
بصيت لدموعى و قلتلها: ازاى تقولى كدة؟؟
دى دموعى على الحبيب
اللى اتصلب على الصليب
دى مش حكاية ولا رواية
دى قصة معجزة و اية
و صحيح البطل مات لكنة قام من الاموات
عشان يورينا الحب و الاخلاص
اللى مبقاش عندنا خلاص
و دموعى نزلت..دموعى نزلت عشان بموتة تانى كل يوم
و عشان كل مرة بزود على نفسى الهموم
و اما يرفعها ارجع و ابقى مبسوطة
و كانى مش محتاجة و كانة معملش حاجة
و اما تانى ابقى مضغوطة!!!
اجرى و اركعلة و اصليلة
و همومى تانى احكيلة
و هو يستجيب بهدوء و سلام عجيب
عنى ميتاخرش معايا مبيبعدش
بيقوينى و بيحمينى و كل دة !!!!
و انا عميا مبفتحش
و لا بشوف اد اية هو حنان
و لا اد اية فى حضنة الامان
اة يا يسوع يا سلام
يا رب بجد اسفة
صدقنى مكسوفة كسفة
من الخطية اللى فيا
من جهلى و غموض عنيا
من حنانك...من سلامك...من امانك...من غفرانك...اللى فى كلامك...فى الانجيل
اللى بيرشدنى للدليل
الحقيقى للغفران
يا سلام يا يسوووع
و بصيت تانى للدموع و قلتلها
يا دموعى اغفريلى لما بتفاهة بنزلك
بس انتى اللى بتشفعيلى لما بلجاجة بحولك
لدموع توبة و ندم
و صرخة خطية و الم
بقدمها للرب يسوع و ناخد انا و انتى الركة لما بحنانة يلمسنى ..انا..و يمسحك ..انتى .. يا دموووع
يا رب تكون عجبتكوا مستنية الردود
التعديل الأخير تم بواسطة كيرو رافت ; 09-03-2011 الساعة 02:04 AM
|