انا مش عارفة اتكلم وابدأ منين .......
بس الموضوع يستحق أننا نتكلم فيه ونناقشه مع بعض بجدية
ولازم نكسر حواجز الكسوف والخجل علشان نوصل لحل
المهم........ندخل فى الموضوع
من الطبيعي إن لما مجموعة من الناس تعيش مع بعض
فترة من الزمن بيحصل بين بعضهم تآلف وإعجاب
وممكن يتحول مع الوقت لحب ..
فهذه البنت أعجبها اسلوب فلان
وهذه شد انتباهها رقة فلان
وهذه ماتت عند كلام فلان العاطفي والرقيق
وهذا ذاب قلبه لما ردت عليه فلانه بكلمات تسحر
وهذا تعلقت روحه بقصايد وخواطر فلانه
أو العكس ..
المهم اللي بيكون انه يتطور الحال بين فلان وفلانه
وتبدأ صناديق الرسايل الخاصة تشتعل
من نار الرومانسية والحب والغزل ..
وتزيد حرارة الحب لتحرق الماسنجرات وغرف الشات
اللهم لا حسد
ههههههههه
عادي والمحبة من الله مثل ما يقولون
بس شوفوا معايا اللي بيكون بعد كده..
بعد كام يوم رومانسية وحب
تدخل فلانه لقراءة مشاركة لفلان الذي يبادلها مشاعر الحب
وتشوف ردوده على البنات حلوة ولسانه ينقط عسل
مع البنت دي والبنت دي..
فيبدأ عندها الضغط يرتفع وتزيد نسبة الملح في الدم هههههههه أأأأأأأأأصدي السكر
وتروح تجري على الماسنجر تفتحه لعل وعسي انه يكون موجود
ولو ما كان تبعتله رسالة خاصة
او تكلمه ع الموبايل وتقوله
ادخل حالا انا عايزاك
ويدخل صاحبنا بعد ما يقطع أشغاله
وتبدأ صاحبة الحسن والجمال في استجواب فلان
مين فلانة .. ؟؟
ايه اللي بينك وبينها ؟؟؟
انت ليه بتتكلم معاها بالطريقة الناعمة دي؟؟؟؟
معجب حضرتك يعني بردها عليك ؟؟؟
فيحاول يفهمها انه ميقصدش اي حاجة ودي مجرد ردود
مش أكثر ويحلف لها 100 يمين و100 طلاق
أن مفيش بينه وبين البنت دى أى حاجه
والهانم مش مصدقة وتزعقله وتقوله انت كداب
قاعد تتسلى في مشاعري وبس
ويحلف لها الولد مليون مرة ومفيش فايدة
أو العكس طبعاً قد يحصل الاستجواب من فلان ،،
ومن هنا .. تبدأ خيوط المشكلة ..
اللي يصير بعد كده يتحول الحب إلى كراهية عمياء
وتصير المواضيع أرض لمعارك ضارية........ حلوة ضارية دي رايحين يحاربوا ههههههههه
والردود مثل السهام والنبال
وأشى قنابل وديناميت يفرقع فى المنتدى كله
كل واحد يدق في الثاني ويجرح فيه
ويطعن في مشاركاته وينتقص أسلوبه
وهات يا ردح ويا سب وتترصد فلانة لفلانة
الثانية اللي أخذت منها حبيبها00
ويقعد فلان مثل الشوكة في حلق فلان
عشان كتب كلمتين حلوين في حبيبته فلانه
مما يعني انه استهوى قلبها وسرقها منه ..
وهذا يحذر من هذا ويتكلم فيه من وراء ظهره
وعلى عينك يا تاجر000
وممكن ناس كتيرة قوي تسيب المنتدي بسبب المشكلة دي
ياريت تشاركوني وتقولولي رايكم
تحيااااااااتي