رد: تحية خاصة لشهداء إمبابة شهداء المجد ومحبة الله
كُتب : [ 05-09-2011
- 05:41 PM
]
استاذ ايمن قفل المناقشة
وبيقولنا ادخلوا ناموا بقى خلاص
مش عاوز دوشة هههههههههههههههه
استنى يا استاذ ايمن معلش احنا مش نعسانين دلوقتى
وممكن نسهر معاك شوية نونسك
بالطبع كل من قُتل من أجل انه فقط مسيحي فهو شهيد بلا شك
ودول كام واحد من اللى ماتوا يا ترى ؟؟
لما واحد يبقى واقف فى كنيستة صدفة وفجاءة وفى لحظة يموت من رصاص غدر الاعداء اللة اعلم كانت حياتة مع ربنا شكلها اية قبل موتة ؟
مقدرشى اقول علية شهيد مينفعشى مش شرط ابدا -- لو يعرف انة هيموت كان راح الكنيسة فى اللحظة دى بردوا يا ترى ؟؟
لما واحد يجى يدافع عن الكنيسة بالسلاح والضرب والرد على الاشرار بنفس طريقتهم ويموت متقوليش شهيد ومع مارجرجس ومارمينا بس فى رتبة تانية اقل
حتى لو كانت نيتة بيدافع عن كنيستة مش دى الطريقة اللى بيها يدافع عن كنيستة وايمانة ابدا مش دى الطريقة اللى علمهالنا المسيح
يا احبائى انا كل قصدى ان المسمى دة ( شهيد ) اكبر وارقى واعظم من كل الاحداث دى كلها
يعنى لما ادخل موقع زى الحق والضلال الاقى واحد نازل شتائم وشتائم فى المسلمين بسبب احداث امبابة وبعد ما خلص شتائم بيعاتب ربنا ومارمينا بطريقة غريبة جدا وبيقولة انا زعلان منك اتصرف يا مارمينا وكأنة فى دالة ومحبة قوية بينة وبين العجايبى تناقض عجيب وغريب ما بين النص الاول والتانى من كلامة
وما بين مشاعرة كانسان كارة الاعداء وانسان بيتشفع بمارمينا وبيتعشم فية فبيعاتبة
ممكن اللى يستحق اللقب دة واحد رايح لية العيد مثلا ومقدم توبة وفرحان بقيامة المسيح وعارف انة ممكن يموت ومع ذلك راح ومش خايف بالعس فرحان وهو بيرتل لى اشتهاء ان انطلق واكون مع المسيح
او واحدة من اللى بتتخطف مثلا وخيروها يا اما تشهرى اسلامك يا اما تموتى واختارت الموت مع المسيح افضل من النكران والحجود لاسم المسيح دى يا بختها فعلا
ويموتوا وهما رافعين قلوبهم للى حبهم واتصلب من اجلهم
لكن مش شرط كل اللى ماتوا دول يبقوا شهداء بالمعنى الراقى اللى نعرفة من زمان
انا اسفة بجد على التطويل بس الشهداء مش كدة ابدا
سيدنا بعد احداث نجع احمادى سالوة اية رايك يا سيدنا الشباب دول يعتبروا شهداء ؟؟
سكت ثوانى ورد بعد مارفع قلبة ربنا وسالة ودة احساس شخصى منى ان دة سبب سكاتة ثوانى قالهم
ممكن !!!
ممكن ان يسموا شهداء لانهم قتلوا وهم فى الايمان قتلوا وهم ابرياء
وياريت ياريت اعرف اجبها فيديو علشان تسمعوا سيدنا بيقولها ازاى ونبرة صوتة كانت ازاى
مقالشى بالطبع اااة مقالشى اكيد مردتش بسرعة ومن غير تفكير
ودة معناة انة كان يقصد ناس معينة منهم مش كلهم اكيييييد
عموما اللى اكيد حقيقى هو ان قلوبنا مع الاهالى ربنا يعزيهم كلهم وينيح نفوس المنتقلين فى احضان القديسين ابراهيم واسحق ويعقوب ويفتح ليهم ابواب ملكوت السموات انا اتمنى حقيقى ان كلهم يبقوا فى السما وبيصلوا علشان
واننا نحصلهم
اسفة مرة تانية على التطويل انا هروح انام اهو يا استاذ ايمن
كفاية كدة سهر النهاردة
|