[Dr.PeRO]

مش عارفة ؟ حقيقى مش عارفة ؟ لقب شهيد بقى كل واحد بياخدة عادى جدا بقى كل حادثة تحصل ويموت فيها ضحايا نقول عليهم شهداء ضحايا 25 يناير قلتوا عليهم شهداء مع ان ممكن جدا يكونوا ماتوا وهما بيتخانقوا اثناء مشاجرة او دفاع عن النفس وممكن جدا يكونوا ماتوا وهما مش مستعدين وبقالهم كتير بعيد عن ربنا ولحظة الموت جت فجاءة على الاقل مش كلهم يا ثروت شهداء بمعنى الكلمة اللى نعرفها من زمان شهيد يعنى مااات من اجل شهادتة لاسم المسيح واعترف بية امام الجميع

اعتقد وده رأيي الخاص .. .. كل من تم قتله بسبب مسيحيته أكيد عندنا وعند ربنا شهيد .. كلمة شهيد معناها "قتل بسبب انه شهد"، والشهيد ده ممكن يشهد بالقول او بالفعل ... اللى اتقتلوا فى اي كنيسة بسبب انهم مسيحيين فقط، ديه شهادة .. شهادة ب(الفعل)، لأنهم من خلال فعلهم (تواجدهم لحماية الكنيسة) اتعرفوا انهم مسيحيين وبعديها اتقتلوا .. وشهداء القرون الأول زى مارمينا، دول شهدوا بالقول وبالفعل وكمان كان قصادهم الاختيار بين الحياة والموت ... بس النقطة فى ان مش كل الشهدا زى بعض ولا اكاليلهم زى بعض .. يعنى حتى مثلاً فيه اختلاف بين القديسين مارمينا وأب سيفين .. مش كله زى بعضه .. اللى بيوزن الجهاد والنعمة المعطاة هنا هو الله بس. كذلك ممكن يبقى شهيد فى كنيسة بس مكانه فى الملكوت قليل عن مكان انسان عاش ومات عادى بس كان عايش فى مخافة ربنا ...