[رويس]

ممم مش عارف انا ليا تعليق على المشاركتين، بس في النهاية انا مقولتش ان ده السبب الوحيد والاواحد ولكن ده كان السبب الاول، وكمان جبت كلام القديس جيروم واللي هو قال نفس كلام القديس بولس الرسول .. بس لسا نقطة اذا كان الناس اللي ذكرتهم من القرون الاولى للمسيحية "حيث يتحدثوا ويدرسوا باللغة اليونانية" فمش من المعقول انهم هايغفلوا حاجة زي كده قالها القديس بولس الرسول باليونانية برضوا وكمان بالاضافة اللي الترجمات اليونانية للنص العبري وعلى رأسها السبعينية، ومش معقول نعتمد استاذي على فهمنا انحن ونربط ايات بأيات ونقول ان التفاسير دي مجرد تأملات شخصية!!!
بولس الرسول نفسه يعتبر اول واحد ربط بين العهد القديم والعهد الجديد (عارف انه بارشاد من الروح القدس) بس ده يفتح لينا حاجة ان اشخاص زي الاباء مثل مثلا يوحنا ذهبي الفم والقديس ترتليانوس وكيرلس الاورشليمي مينفعش نقول ان تفاسيرهم مجرد تأملات شخصية لان دول من كثرة التصاقهم بالله وحلول الروح القدس فيهم الروح ارشدهم لكل الحاجات دي، وكمان مننساش ان في رسل كثيرين مكنوش من التلاميذ وملهمش اسفار في الانجيل ورغم كده راحوا وبشروا في اراضي المسكونة كلها وفسروا الكتاب المقدس وأظهروا المسيح اللي كان نايم في مركب العهد القديم من خلال العهد الجديد، فمش معقول هانقول دول كلهم تأملات شخصية واحنا نعتمد على النص العبري والقواميس فقط! مهي القواميس دي موضوعه من بشر وكل هدفها تاريخي ولغوي فقط وبنفس المنطق هانرفض اي تفسير لاهوتي فيها لانه هايدخل في منطقة التأملات الشخصية ليهم.
بخصوص الدسقولية فهي نصوص وقوانين اتوضعت في وقعت معين بسبب حاجات معينه ومنقدرش نقول عليها انها انجيل يصلح لكل زمان ومكان، الشعوب في تطور والعادات في تطور.
بس على كلاً كفاية اننا وضحنا كل جوانب النص، على ما اظن كل الكلام اللي اتكتب ده في ايه واحد فقط .. شئ كويس اننا نجمع كل الاطراف والاقوال والتفاسير في ايه واحدة، ربنا يوعدنا بحاجة زي كده تاني