رد: هل فعلا الاشخاص الاكثر ضحكا هم الاكثر حزنا؟؟؟؟
كُتب : [ 04-08-2011
- 06:40 PM
]
بص يا نادر اولا فكرة الموضوع جميلة
لان فعلا كلامك اللى قلتة بيحصل كتير جدا ويمكن غالبا
بس طبعا مش شرط خالص فى ناس بتضحك علشان تدراى احزان وهموم جواها بتحاول تنسى
وناس بتضحك برغم انها حزينة علشان محدش يشيل همها نوع حساس جدا من الناس مش بيحب انة يشغلك معاة او يشيلك متاعبة بيبقى حاسس ان دى حاجة تخصة لوحدة وان كل واحد فية اللى مكفية بيضحك قدامك بس
وفى نوع تانى بيضحك علشان اجتماعى وبيسمعك ويشارك الناس مشاركة وجدانية متبادلة بيفضفض ويضحك فبيحس براحة نفسية
وفى نوع مش بيضحك بسهولة خااالص وكأن الحزن جزء منة ومن شخصيتة مهما تحاول معاة بيفضل الكأبة والحزن عن الضحك والابتسامة ولو ضحك بيبقى مجاملة مش اكتر ودة بسبب عول الهم وضعف الايمان
فى نوع اخير بقى ودة اجملهم
الانسان اللى جواة متاعب وهموم واحزان ومع ذلك بيبقى فعلا مبسوط وفرحان وبيضحك ومش حاسس باى هموم ولا احزان جوااة سلاام عجيب ورهيب جواة فرح سماوى من نوع تانى ميقدرشى يصنعة بشر بيبقى حاسس ان المتاعب دى اكاليل مجد متشالة لة فوق
طوبى للحزانى لانهم يتعزون
كثيرة هى بلايا الصدقين ومن جميعها ينجيهم الرب
صدقنى يا نادر بيكونوا ناس عايشة الملكوت على الارض وعيونهم دايما باصة لفوق علشان كدة مش بيحسوا انهم تعبانين بالعكس دايما فرحانين وبشوشيين وجواهم سلام عجيب ودة نبعة ومصدرة وسببة هو شخص الرب يسوع اللى كل اولادة حقيقى وبصدق فرحانين ومبسوطين وبيضحوا فى كل الاحوال
|