كُتب : [ 02-21-2011 - 04:23 PM ]
نهي:- مساء الفل علي اعضاء منتدى ارثوذكس ازيك يامجدى منور حلقتنا. مجدي:- شكرا يانهى ده نورك انا بخير نشكر ربنا واتمنى يكون كل اعضاء منتدانا الجميل ارثوذكس بخير نهي:- النهارد يامجدى ميعاد لقاء حلقتنا رقم 24 مجدي:- ياترى يانهى هيكون مين ضيف حلقتنا النهاردة نهي:- ضيف حلقتنا يامجدى عضو اشترك من فترة قريبة يوم 2010/11/1 بس خلال الفترة القصيرة دى كان له شماركات كتيرة جدا مجدي:- ممكن يكون فى بضع الاعضاء حاسة انه غامض شوية بس فخلال حلقتنا عرفنا انه شخصية جميلة ومرحة. نهي:- معاك حق يامجدى فعلا وكمان شخصية صريحة تعال نشوف لقائنا النهاردة مع مين؟؟؟؟؟ عضو حلقتنا هو elshbah اهلا وسهلا بيك منور برنامج الوجه الاخر نهي:- في البداية نحب نتعرف عليك اسمك وسنك وشفيعك؟ الشبح:- خلينا في الشبح سنى 20 سنة و9 شهور شفيعى مارجرجس وابونا عبد المسيح المناهري مجدي:- ايه هى هوايتك المفضلة؟ وازاى بتمنى موهبتك؟ الشبح:- الكيك بوكس والملاكمة والبلاى استيشن الكيك بوكس والملاكمة كنت بتمرن في نادي اتحاد الشرطة الرياضي ودخلت بطولة القاهرة واخدت المركز الاول وبعد كده دخلت بطولة الجمهورية وطلعت من تانى ماتش بضربة قاضية وبعد ما طلعت من البطولة سبت النادى وبدات اشرب سجاير علشان كان حلم حياتى انى اخد بطولة الجمهورية واتئهل لبطولة العالم والبلياردو والباقي عادي بقي بتسلى فيهم في اى وقت متاخر انا واصحابي نهي:- ايه هو طموحك وهدفك فى الحياة وهل فى فرق بين الطموح والهدف بالنسبة لك؟ الشبح:- طموحي واهدافي انى كنت بحلم اكون اسطورة فى الملاكمة والعالم كله يعرف الشبح المصري وانا معنديش فرق بين الهدف والطموح. مجدي:- مين هو الشبح وليه اخترت الاسم ده بالذات؟ الشبح:- الشبح انسان زى اى انسان انا ولدت فى مدينة البدرشين محافظة الجيزة فى بلد فلاحين وارياف ودى احلى حاجة بفتخر بيها قدام الناس كلهاوعايش بقالى كتيرر هههههههههه انما اختيارى اسم الشبح اصحابى اختارولى الاسم دة من زمان فاطلع بقة عليا وكدا وبقي اى حد يشفنى ازيك يا شبح ابص وراية انت بتقولى انا ايوة ياعم انت نسيت اسمك بس وهكذا نهي:- اصحابك بيقول عليك اية من ناحية شخصيتك ؟ الشبح:- بيقولو ان انا غامض اووى ومش اى حد بيقدر يوصل للى فى دماغك وغلبان جدا مجدي:-اية اللى بيتقال عنك ؟ الشبح:-بيتقال عنى انى تنك وانا مش كدا والناس كلها بتحبنى علشان معملتى معاهم كويسة نهي:- ليك اصحاب وعددهم ؟ الشبح:-انا كان لية اتنين واحد خانى والتانى رجولة مجدي:- ايه رايك فى المثل اللى بيقول دور علي الصاحب اللي يبنى مش يهدم؟ الشبح:- مثل محترم واللهي هههههه نهي:- انت مع الكلام ده ولا ايه تفسيرك؟ الشبح:- اة مع الكلام دة تفسيرى ان الانسان يا يعلم صحبه يا صحبه يعلمه مجدي:- ايه الاساس السليم لاختيار الصديق من وجهه نظرك؟ الشبح:- اخلاص وامانة الصديق لازم يكون تؤام في روح واحدة نهي:- بتؤمن بالصداقة بين البنت والولد؟ الشبح:- فى الحقيقة انا لا أؤمن بالصداقة بين الولد والبنت فى غير النت دلوقتى سواء البنات او الشباب بقو مستعجلين على الحب عايزين يمرو بتجربة فأاكيد فى طرف من الاتنين هيحب وهيقع مجدي:- ايه اللى انت شايفه فيك غلط ونفسك تغيره؟ الشبح:-الكسوف وعايز الناس كلها تفهمنى صح ونفسى اغير الاتنين نهي:- ايه هو حلم حياتك؟ الشبح:- السفر مجدي:- ايه هو سر حزنك؟ الشبح:- الخيانة نهي:- ايه هو الحلم اللى كان نفسك تحققه وفشلت؟ الشبح:- بطولة العالم في الكيك بوكس مجدي:- لو الزمن رجع بيك لورا تحب تعمل ايه؟ الشبح:- هراجع نفسى في قرارا كتير نهي:- هل دموعك قريبة؟ الشبح:- جداااااااااا مجدي:- سهل حد يشوف دموعك ممكن تبكي قدام حد؟ الشبح:- مستحيل مفيش حد فالدنيا شاف دموعي نهي:- ايه هي صفات شخصيتك؟ الشبح:- مفيش حد بيقدر يوصف شخصيتة اووى بس انا هقوللك عصبى جدا احلامى كتير من اهم حاجة فى حياتى هى كرامتى مجدي:- هل ليك وجه اخر؟ الشبح:- نعم نهي:- ايه هى صفات الوجه الاخر؟ الشبح:- اما بكون عصبى ومتنرفز مبعرفش حد مجدي:- امتى تكون صاحب وجه اخر وممكن تحتاجله؟ الشبح:- لالا مش كتير نهي:- مين هو مثلك الاعلي؟ الشبح:- بابا مجدي:- كل انسان معرض للخطا ولكن فى ناس بترفض الاعتراف بالغلط هل بتعترف بغلطك لو غلط ؟ الشبح:- طبعا لو الانسان معترفش بغلطه اكيد هتيجى على دماغة نهي:-ايه الكلمة اللى نفسك تحذفها من قاموس حياتك؟ الشبح:- الخيانة مجدي:- لو حبينا نلخص حياتك فكلمة تكون ايه هى الكلمة دى؟ الشبح:- صعبة نهي:-راضى عن نفسك بنسبة كام فى الميه؟ الشبح:- 40% مجدي:- قولنا الصفات دى موجودة فى شخصيتك ولا لا شجاع متردد متسرع طموح الشبح:- شجاع: جدا متردد: لا متسرع: شوية طموح: يووه جدااا نهي:- ايه رايك فى جواز الصالونات؟ الشبح:- ملوش قيمة مجدي:- بتفضل الجواز عن حب ولا صالونات؟ الشبح:- اكيد عن حب نهي:- لو ادنالك دعوة لفردين فى مطعم رومانسى تختار مين؟؟ الشبح:- انا وصاحبي مجدي:- حبيت قبل كده؟ الشبح:- حبيت ومحصلش نصيب نهي:- ايه معنى الحب من وجهه نظرك؟ الشبح:- اللى كنت اعرفة الاول انه اخلاص وتبدل مشاعر واحساس طرفين مربوطين ببعض تفيكر واحد وروح واحدة لكن بعد كدا بقيت مسمعش الا عن حب الافلام بس مجدي:- ايه احلي حاجة واصعب حاجة فالحب؟ الشبح:- احلى حاجة انك تحب وتتحب واصعب حاجة الغدر والخيانة نهي:- طيب ايه هى صفات فتاة احلامك؟ الشبح:- اولا تكون بنت ربنا ومهتمية بالكنيسة ثانيا اسلوبها يكون مميز وطيبة وحنينة ومتعرفش الغدر والخيانة مجدي:- لو واحده جيت وقالت انها بتحبك اية ها يكون رد فعلك؟ الشبح:- رد فعلى هيبقي اجابى اكيد هعرفها هههههههه لالا لو انا مش عندى نفس الاحساس هقولها احنا مش هنبقا اكتر من الاصحاب نهي:-ايه اكتر حاجة عملتها فحياتك تفتخر بيها؟؟ الشبح:- ان والدتى راضية عنى مجدي:- ايه هو حلمك الفترة اللى جايه؟ الشبح:- انا داخل الجيش بقي مبقاش فى احلام نهي:- اذكر أهم 5 اشياء او اشخاص في حياتك ...؟ الشبح:- خلينا فى اشخاص 1_والدى وولدتى 2_خالو_3_جدو_4_اختى_5_صحبى الانتيم مجدي:- لو حبيت تقول كلمة ل ربنا تقوله ايه؟ الشبح:- محتاجلك اووى نهي:- تفتكر موقف مضحك مريت بيه؟ الشبح:- من فترة كنت رايح عند واحد صحبى شقتة ولسة بيوضبها فاروحت وطلعت دخلت الشقة النور كان منور لاقيت النور مرة واحدة طفة وانا جوة الشقة ولاقيت واحد طلعلى حاطط بطانية علية مغطية وعامل صوت وحش فاجريت على البلكونة فى الدور التالت وكنت هنط من البلكون لولا هو لحقنى ونور النور وقعدنا نضحك لحد مكنا هنموت من الضحك ههههههههههه مجدي:- لما بتكون زهقان بتعمل ايه؟ الشبح:- بطلع على البحر وبحب اقعد لوحدى نهي:- ااية اكتر خبر مفرح سمعته فى حياتك ؟ الشبح:-اللى كانت حبيبتى كان عندها مرض فى القلب وقعدنا نصلى علشان ربنا يشفيها فاتصلت بية تانى يوم بتقولى عندى الاستشارة عند الدكتورة فااخدتها وروحنا الدكتور قالها مش ممكن وقعد يستعجب وعمل اشاعة تلفزيونية وهوا قاعد قالها انتى معندكيش حاجة فى القلب بس فاول مسمعت من الدكتور كدا طلعت برة العيادة وقعدت اعيط واضحك واسجد على الارض واشكر ربنا مجدي:- واكتر خبر محزن؟ الشبح:- يوم ما خانتنى نهي:- بتحب الرياضة؟ الشبح:- طبعا مجدي:-اهلاوي ولا زملكاوي؟ الشبح:- زملكاوي نهي:- انت خادم؟ الشبح:- لا مجدي:- وياتري انت ليه مش خادم؟ الشبح:- انا مش قدها ومتعرضش عليا نهي:- بتحب تقرأ لمين؟ الشبح:- نجيب محفوظ مجدي:-ازاى عرفت منتدى ارثوذكس ؟ واية اللى شدك لية ؟ الشبح:- عرفت المنتدى عن طريق ورقة مكتوب عليها اسم الموقع فى كنيسة الملاك ميخائيل بالبدرشين.اللى شدنى للمنتدى ان انا بحس ان فى ربط بين الاعضاء ومحبة كبيرة جدا لية متعلمش يعيش المعلم يتعلم ههههههههههه نهي:- مين اكتر الناس فى المنتدى انجذبت ليهم ولمواضعيهم ؟ الشبح:- 1_أ: ايمن 2_mikey موضعهم بتشدنى اوى دة مش انا بس دة يمكن 90% من الاعضاء بيدخلو على موضيعهم مجدي:-ماهى ميولك فى المنتدى واية ميولك فى الكتابة فى المنتدى ؟ الشبح:- بالنسبة لية شخصيا انا بدخل المنتدى علشان افيد واستفيد 1_استفيد من ناحية القراءة والاطلاعات والحوارات والمناقشات 2_افيد بأى معلومات اعرفها او مجهود اقدر اقدمه للمنتدى 3_الكتابة فى المنتدى علشان انا بحب التحديات فى اى مناقشات واى موضيع وكمان افيد واستفيد من الاراء نهي:- كان اية دورك فى ثورة 25 يناير ؟ الشبح:- بصراحة انا كان نفسى احضرها من اولها بس ولدتى عاملت مشاكل علشان مروحش الثورة فا جيت فى اليوم دة باليل على الساعة 1 والجماعة نايمين ونزلت واخدت واحد صاحبى وروحنا على مظاهرة كانت عندنا قدام مركز البدرشين واستشهد فيها اعز صديق لينا ورجعت على الساعة 6 صباحا مجدي:-اية رايك فى اللى بيحصل عايزن تفسيرك لاحداث الجارية ع الساحة السياسية؟ الشبح:-انا بقول بقي ان كفاية كدا اللى انتو عايزينه حصل وبتمني عمرو موسى يبقي رئيس مصر نهي:- اية رايك فى تعديل الماده التنية للدستور ؟ الشبح:-مادة 2 بتقول ان الاسلام دين الدولة واللغة العربية لغتها الرسمية ومبادى الشريعة الاسلامية المصدر الرئيسى للتشريع المصريين بأغلبيتهم متدينين بالفطرة سواء كانو مسيحيين او مسلمين ولا يخفى على احد ان هذة الثورة وحدت المصريين على كلمة واحدة من المصلحة العليا للوطن ان يتم تثبيت هذة المادة مجدي:-انت شايف ان التغير مطلوب فى اية وفى مين كمان ؟ الشبح:-انا شايف ان لازم مصر تبقي حرة مستقلة وفيها ديمقراطية زى اى دولة اجنبية حاليا القوات المسلحة كويسة نهي:- ايه اللى نفسك يتغير؟ الشبح:-لازم يكون كرامة الشعب المصرى محفوظة فى العالم كلة وميقولش على شباب مصر همج مجدي:- مين اصدقائك فالمنتدي؟ الشبح:- تيتو- كيرو -والسندريلا-ومايكى نهي:- تقول ايه ل منتدى ارثوذكس؟ الشبح:- انا لوقعدت اقول للمنتدى كلامى مش هيخلص بس هوصفه بحاجة صغنتتة كنيستنا التانية مجدي:- تقول ايه ل برنامج الوجه الاخر؟ الشبح:- بجد برنامج جميل جدااا وحاجة مختلفة كتيررر عن اى موضوع فى الحياة حاجة بتحصل مرة واحدة للآنسان من اروع البرامج اللى شوفتها فى حياتى واقولك لكل عضو وعضوة فى المنتدى لازم تشارك فى البرنامج الذى اصبحة ضجة فى عالم المنتديات ربنا يبارك حياتكم احنا بنشكرك جدا على القاء الجميل ده وكنا نتمنى نعرف اسمك بس عامة كنت منورنا يا شبح ونتمنى انك تحقق كل احلامك وتكون بطل فى الكيك بوكس وتحقق كل ما تتمناه. " فقرة الافضل" علي مدار الاسبوع اللى فات كان من افضل الاقسام واكثرها تردد " القسم العام" شكرا خاص للمشرف "menovich" اكثر الاعضاء نشاطا " العضوة" kiro.kiro33 افضل توقيع " ماريو" تحفة بجد تسلم ايديك انتظرونا فالحلقة القادمة من برنامج الوجه الاخر المصدر: †† ارثوذكس †† - من قسم: البرامج والخروجات الخاصة بالاعضاء
الشبح:- محتاجلك اووى